Еремеев Василий Васильевич
Василий Васильевич Еремеев (1979 муус устар 16, Тымпы, Бастакы Тоҕус нэһилиэгэ, Бүлүү улууһа — 2023 сэтинньи 23) — ырыаһыт, Саха Өрөспүүбүлүкэтин үтүөлээх артыыһа, Саха Сирин эстрада тыйаатырын артыыһа[1].
Биография
Василий Еремеев 1979 сыл муус устар 16 күнүгэр Бүлүү улууһун Бастакы Тоҕус нэһилиэгин киинигэр Тыымпыга төрөөбүтэ. 1998 сыллаахха Дьокуускайдааҕы култуура уонна ускуустуба колледжын бүтэрбитэ. 2002 сыллаахха Эстрада тыйаатырыгар үлэтин саҕалаабыта[1][2].
2023 сыл сэтинньитигэр госпитализацияламмыта. Сэтинньи 23 күнүгэр өр ыалдьан баран өлбүтэ[3].
Дьиэ кэргэнэ
Кэргэнэ — Марианна Еремеева. Ырыаһыт икки оҕону төрөппүтэ — Мичийэ (ырыаһыт, «Букет бумажных цветов» бөлөх толорооччута) уонна Айархаана[1].
Оруоллара
- Самохвалов «Үлэ үөһүгэр таптал» испиктээкил;
- Баһыкка «Тыыммар ылан тыыҥҥын холбоо»;
- «Мааппа» испиктээкилгэ оруол;
- «Киристэпиэл» испиктээкилгэ оруол[1];
- «Атаах» (2011) киинэҕэ сүрүн оруол.
Ырыалара
- «Кытылга»;
- «Сайылык»;
- «Уол ырыата»;
- «Таабырын таптал»[1].