Нуучча тылынанАнал бырайыактар
Тылы уларыт
УРУБИИКИ ТУҺУНАН

Куркутов Георгий Сергеевич

Георгий Сергеевич Куркутов (төр. 1981 сыл олунньу 11 күнэ, Чита) — Арассыыйа бэлиитигэ. 2012 сылтан 2013 сылга диэри професиональнай үөрэхтээһин, бэлэмнээһин уонна аттаран туруоруу миниистирэ этэ. 2022 сыллаахха Саха сирин Биир кэлим координационнай киинин оперативнай штабын салайааччыта буолбута. Донбасска көмө уонна өйөбүл Хотугулуу-Илин пуондатын салайааччыта.

Олоҕун олуктара

1981 сыл олунньу 11 күнүгэр Чита куоракка сахалар устудьуоннарын ыалларыгар төрөөбүтэ[1].

Мэҥэ Хаҥаласка Төхтүр орто оскуолатын бүтэрбитэ[1].

1999—2003 сылларга СГУ Студгородок сэбиэтин салайбыта, «Молодежное Единство» тэрилтэ регион салаатын бэрэссэдээтэлин солбуйааччыта, СӨ Устудьуоннарын Тутуу Этэрээттэрин Киин Штабын чилиэнэ[1].

2004 сыллаахха Саха судаарыстыбаннай университетын филология факультетын бүтэрбитэ, идэтэ «нуучча тылын уонна литэрэтиирэтин учуутала»[1].

Үлэтэ

2005 сыллаахха «Биир ньыгыл Арассыыйа» Саха сиринээҕи салаатын уопсастыбаннай приемнайын салайааччыта[1].

2006 сыллаахха «Молодая гвардия» диэн «Биир ньыгыл Арассыыйа» ыччат салаатын салайааччыта, «Биир Ньыгыл Арассыыйа» эрэгийиэннээҕи политсоветын салайааччытын солбуйааччыта[1].

2007 сыл олунньутуттан Дьокуускай куорат администрациятыгар Ыччат бэлиитикэтигэр, физическай култуура, успуорт уонна туризм салалтатын салайааччыта[1].

2009—2011 сылларга СӨ Ыччат бэлиитикэтигэр миниистир, миниистир бастакы солбуйаачыта[1].

2011 сыл атырдьах ыйын 29 күнүгэр СӨ Бэрэсидьиэнин уонна Бырабыытылыстыбатын администрациятын салайааччытын солбуйааччытынан анаммыта[1].

2012 сыллаахха СӨ професиональнай үөрэхтээһин, бэлэмнээһин уонна аттаран туруоруу миниистирин пуоһугар үлэтин саҕалаабыта[1].

2013 сыл олунньутугар уонна кулун тутарыгар Георгий Куркутов массыынаны итирик сылдьан ыыппытын иһин массыына быраабын 2016 сыллаахха диэри хааччахтаабыттара. 2013 сыл муус устар 29 күнүгэр бу дьайыытыттан СӨ Бэрэсидьиэнин уурааҕынан миниистир дуоһунастан босхоломмута[1].

НТК «Якутия» гендириэктэрин пуоһугар олорбута. 2016 сыллаахха итирик сылдьан ДТП-га түбэспитэ[2]. 2016 сыл бүтүүтүгэр үлэтиттэн уурайбыта[3].

2022 сыллаахха Саха сирин Биир кэлим координационнай киинин оперативнай штабын салайааччыта буолбута[3][4].

2024 сылтан Саха Өрөспүүбүлүкэтин Уопсастыбаннай палата Экспертнай сэбиэтигэр (V састааб) киирэр[5].

2024 сыл балаҕан ыйыттан Донбасска көмө уонна өйөбүл Хотугулуу-Илин пуондатын салайааччыта[6].

Быһаарыылар

  1. ↑ 1 2 3 4 5 6 7 8 9 10 11 Глава Якутии уволил министра. SakhaNews (30 Муус устар 2013). Сигэнии күнэ: 10 Балаҕан ыйын 2025.
  2. ↑ Экс-министр, уволенный за пьяную езду в Якутии, вновь лишится работы. https://yakutiamedia.ru (19 От ыйын 2016). Сигэнии күнэ: 10 Балаҕан ыйын 2025.
  3. ↑ 1 2 Экс-министр Георгий Куркутов стал руководителем опорных пунктов Якутии. https://sakhaday.ru. SakhaDay (14 Ахсынньы 2022). Сигэнии күнэ: 10 Балаҕан ыйын 2025.
  4. ↑ Руководитель Оперативного штаба отметил живой отклик солдат на поездку главы Якутии в зону СВО. https://yakutia.mk.ru (11 Муус устар 2024). Сигэнии күнэ: 10 Балаҕан ыйын 2025.
  5. ↑ Список экспертов Общественной палаты РС(Я) пятого состава. https://oprs.sakha.gov.ru. Общественная палата Республики Саха (Якутия). Сигэнии күнэ: 10 Балаҕан ыйын 2025.
  6. ↑ Военным из Якутии доставили 129 тонн гуманитарной помощи. https://маякарктики.рф (5 Балаҕан ыйын 2025). Сигэнии күнэ: 10 Балаҕан ыйын 2025.

Категориялар