Дьяконов Андрей Дмитриевич

1903 сыллаахха Горнай улуус Мытаах нэһилиэгэр төрөөбүтэ. Сэрии иннинэ Хатас Ой-Бэс сиригэр кэргэнин кытта олороллоро, колхозка үлэлииллэрэ. Аҕа дойду Улуу сэрии кэмигэр 3-с Волновахскай Суворов Кыһыл знамя уордьанын дивизиятын 5-с гвардия Александр Невскай уордьанын стрелковай полкун 5-с стрелковай рота ытааччыта этэ. 1942 сыл муус устар 15 күнүттэн Арҕаа фроҥҥа сэриилэспитэ, 1945 сыл кулун тутар 24 күнүттэн 3-с Белорусскай фроҥҥа кыттыбыта.

1945 сыл муус устар 16 күнүгэр Арҕаа Пруссия Гермау куоратын арҕаа Дьяконов бастыкынан атаакаҕа турбута уонна өстөөх траншеятыгар гранатнай кыргыһыы саҕалаабыта. Кыргыһыыга Дьяконов 7 киһини өлөрбүт 25 саллааты уонна офицеры билиэҥҥэ ылбыт. Бу быһыытын иһин Аҕа дойду сэриитин I ст. уордьанынан наҕараадаламмыта^[1].

• 2015 сыллаахха балаҕан ыйын 9 күнүгэр Дьокуускай куорат Думатын РЯГД-19-10 ыйааҕынан Хатас быстах туора улууссата Дьяконов Андрей Дмитриевич аатынан ааттаммыта.

• «Аҕа дойду Улуу сэриитигэр Германияны кыайыы иһин 1941—1945 сс.» мэтээл.
• Аҕа дойду сэриитин I ст. уордьана.
• Аҕа дойду сэриитин II ст. уордьана.
• «Кёнигсберы ылыы иһин» мэтээл.

• Имена на улицах Якутска : (биобиблиографический справочник) / Окружная администрация города Якутска, Управление культуры и духовного развития городского округа «город Якутск» Муниципальное бюджетное учреждение "Централизованная библиотечная система городского округа «город Якутск», Информационно-библиографический отдел; [составители: Зедгенидзева А. Н., Иванова М. Н., Купоросова Т. И. и др. ; редакторы: Попова С. В., Иванова М. Н. ; руководитель проекта Тихонова Н. Н. ; вступительное слово главы ГО «город Якутск» Евгения Григорьева]. — Якутск : ЦГБ, 2002- . — 21 см. Вып. 4. — 4-е изд., перераб. — 2022. — 693 c. : портр. — 69 экз.