Нуучча тылынанАнал бырайыактар
Тылы уларыт
УРУБИИКИ ТУҺУНАН

Диодорова Анастасия Алексеевна

Анастасия Алексеевна Диодорова (төр. 1990 сыл тохсунньу 7 күнэ[1], Москва) — харбааһыҥҥа омуктар икки ардыларынаады кылаастаах успуорт маастара. Арассыыйа, Эуропа хас да төгүллээх чөмпүйүөнэ, Аан дойду рекордун олохтообута, Эуропа Кубогын кыайыылааҕа. 2008 сыллаахха Пекиҥҥэ ыытыллыбыт параолимпия оонньууларын кыттыылааҕа.

Олоҕун олуктара

Анастасия Диодорова 1990 сыл тохсунньу 7 күнүгэр Москваҕа төрөөбүтэ. Омугунан саха[2][3].

Үс сааһыгар Анастасиялыын оһол түбэлтэ буолбута. Кини аймахтара олорор Дьокуускай таһынааҕы бөһүөлэккэ аһаҕас трансформаторнай будкаҕа киирэн хаалбыта. Уот күүстээх охсуутуттан тыыннаах хаалбыта эрээри, кини илиилэрин өрөспүүбүлүкэ балыыһатыгар да, Москваҕа да сатаан быыһаабатахтара[4].

Анастасия Арассыыйа физическэй култуура, успуорт, ыччат уонна туризм судаарыстыбаннай университетын уонна Арассыыйа норуот хаһаайыстыбатын уонна судаарыстыбаннай сулууспатын академиятын «Спортивнай менеджмент» идэтинэн үөрэнэн бүтэрбитэ[5].

Успуорт карьерата

Успуорт карьератын 2003 сылга саҕалаабыта. Наталия Степанова салалтатынан «Юность Москвы» диэн тэрилтэҕэ дьарыктаммыта. 2004 сылга Афинаҕа буолбут бастакы Паралимпия оонньууларыгар кыттыбыта, онно 50 миэтэрэ баттерфляй уонна 100 миэтэрэ кэннинэн харбааһыҥҥа төрдүс миэстэлэри ылбыта. Карьерата устатыгар аан дойду уонна Европа чөмпүйэнээттэрин хас да төгүллээх кыайыылааҕынан уонна призерунан буолбута.

2008 сыллаахха Пекиҥҥэ буолбут Паралимпия оонньууларын үрүҥ көмүс призерынан буолбута.

2009 сыл сэтинньи 30 күнүгэр Бразилияҕа Рио де Жанейро куоракка 100 м көҕсүгэ устууга Аан Дойду рекордун олохтообута: 1 мүнүүтэ 28,73 сөкүүндэ.

2009 сыл ахсынньы 3 күнүгэр Бразилияҕа Рио де Жанейро куоракка 50 м баттерфляй ньыманан устууга Аан Дойду рекордун олохтообута: 38,86 сөкүүндэ.

2022 сыл муус устар ыйыгар Арассыыйа чөмпүйэнээтигэр биэс кыһыл көмүс уонна биир боруонса мэтээли ылбыта[6].

2023 сыл от ыйыгар успуорт карьератын түмүктүүрүн туһунан биллэрбитэ[7]. Ол эрээри, 2023 сыл сэтинньитигэр CMAS парафридайвиҥҥа бастакы аан дойду чөмпүйэнээтигэр кыттан үс кыһыл көмүс уонна биир үрүҥ көмүс мэтээли ылбыта[8].

2024 алтынньытыгар «Северная волна» күрэхтэһиилэригэр Диодорова иккис төгүлүн карьератын түмүктээн барар харбааһынын оҥорбута[9]. Ол кэннэ эмиэ успуорка төннүбүтэ.

2025 атырдьах ыйыгар Кытайга буолбут Аан дойдутааҕы оонньууларга кыттыыны ылбыта[10].

Дьиэ кэргэнэ

Аҕата биллиилээх тустуук Алексей Диодоров омуктар икки ардыларынааҕы кылаастаах спорт маастара. ССРУ омуктарын спартакиадатын (1979) уонна Сүбэ Униятын чемпионатын (1982) призера, Болгарияҕа, Ираҥҥа, Монголияҕа ыытыллыбыт омуктар икки ардыларынааҕы турнир кыайыылааҕа, Москва куорат хас да төгүллээх чемпиона. Билигин Дьокуускай куоракка 3 №-дээх оҕо успуорт оскуолатын (ДЮСШ) тренерэ.

Ийэтэ — Людмила Николаевна[11].

Култуураҕа

  • 2022 сыл ыам ыйыгар «Алроса» хампаанньа Өлөөннөөҕү Юбилейнай диэн туруупкатыгар хостоммут 54,05 караттаах алмааска Диодорова аатын иҥэрбитэ. Ол алмаас куоппуйата Дьокуускайга «Россия — Моя история» устуоруйа пааркатын экспозициятыгар баар[12].
  • «Диодорова. Против течения» — уус уран киинэ (2025)[11].

Ситиһиилэрэ

Паралимпийскай оонньуулар
Үрүҥ көмүс Пекин 2008 50 м, баттерфляй - S6
Аан дойду чемпионаттара
Боруонса Дурбан 2006 50 м, баттерфляй - S6
Үрүҥ көмүс Эйндховен 2010 50 м, баттерфляй - S6
Боруонса Монреаль 2013 эстафета 4x50 м, көҥүл стиль
Үрүҥ көмүс Монреаль 2013 эстафета 4x50 м, комплекс
Кыһыл көмүс Монреаль 2013 100 м, сис - S6
Үрүҥ көмүс Монреаль 2013 50 м, баттерфляй - S6
Боруонса Глазго 2015 эстафета 4x50 м, көҥүл стиль
Боруонса Глазго 2015 100 м, сис - S6
Боруонса Лондон 2019 эстафета 4x50 м, көҥүл стиль
Аан дойду чемпионаттара (25 м)
Боруонса Рио-де-Жанейро 2009 100 м, сис - S6
Кыһыл көмүс Рио-де-Жанейро 2009 50 м, баттерфляй - S6
Европа чемпионаттара
Боруонса Эйндховен 2014 50 м, баттерфляй - S6
Боруонса Эйндховен 2014 эстафета 4x50 м, көҥүл стиль
Боруонса Эйндховен 2014 200 м, комплекс - SM6
Кыһыл көмүс Эйндховен 2014 100 м, сис - S6
Кыһыл көмүс Фуншал 2016 100 м, сис - S6
Кыһыл көмүс Фуншал 2021 булк. эстафета 4x50 м, көҥүл стиль
Кыһыл көмүс Фуншал 2021 булк. эстафета 4x50 м, комплекс
Кыһыл көмүс Фуншал 2021 эстафета 4x50 м, комплекс

Быһаарыылар

  1. ↑ 1 2 Паралимпийский комитет России — 1996.
  2. ↑ Якутская спортсменка Анастасия Диодорова прокомментировала оскорбление депутата. Сигэнии күнэ: 10 Ахсынньы 2021. Архивировано 10 Ахсынньы 2021 года.
  3. ↑ «Дразнили в школе не за то, что нет рук, а за то, что нерусская». Чемпионка мира Анастасия Диодорова дала большое интервью ютуб-каналу Елены Погребижской. Сигэнии күнэ: 10 Ахсынньы 2021. Архивировано 10 Ахсынньы 2021 года.
  4. ↑ Девочка без рук собирается на Олимпиаду. Сигэнии күнэ: 10 Ахсынньы 2021. Архивировано 10 Ахсынньы 2021 года.
  5. ↑ Анастасия Диодорова посетила площадку мас-рестлинга в Сочи. mas-wrestling.ru (23 Алтынньы 2017). Сигэнии күнэ: 15 Балаҕан ыйын 2025.
  6. ↑ Призер Паралимпиады Анастасия Диодорова завоевала пять золотых медалей чемпионата России по плаванию. kp.ru (26 Муус устар 2022). Сигэнии күнэ: 15 Балаҕан ыйын 2025.
  7. ↑ Призёр Паралимпиады Анастасия Диодорова объявила о завершении спортивной карьеры. kp.ru (1 Атырдьах ыйын 2023). Сигэнии күнэ: 15 Балаҕан ыйын 2025.
  8. ↑ Якутянка Анастасия Диодорова стала чемпионом мира по парафридайвингу. kp.ru (20 Сэтинньи 2023). Сигэнии күнэ: 15 Балаҕан ыйын 2025.
  9. ↑ Призёр Паралимпийских игр Анастасия Диодорова завершила спортивную карьеру (рус.). Аргументы и факты. Сигэнии күнэ: 30 Бэс ыйын 2025.
  10. ↑ Всемирные игры 2025. freediving.ru (11 Атырдьах ыйын 2025). Сигэнии күнэ: 15 Балаҕан ыйын 2025.
  11. ↑ 1 2 Надежда Егорова. «Диодорова. Сүүрүгү утары». https://sakha-sire.ru (19 Муус устар 2025). Сигэнии күнэ: 21 Муус устар 2025.
  12. ↑ Признание АЛРОСА: Анастасия Диодорова попрощалась со спортом. sakhapress.ru (3 Алтынньы 2024). Сигэнии күнэ: 15 Балаҕан ыйын 2025.

Литэрэтиирэ

  • Саха халандаара, 2009, Диодорова-Лаврентьева С. В., «Бичик», 2008

Категориялар