Диодорова. Против течения
«Диодорова. Против течения» — 2025 сыллааҕы Сандал Баишев режиссердаах саха драматическай киинэтэ. Киинэ дьиҥнээх түгэннэргэ олоҕурар, сүрүн дьоруойа Анастасия Диодорова — паралимпийскай чемпион.
Айыы устуоруйата
Киинэ устуута 2019 сыллаахха саҕаламмыта[1]. Устуулар Дьокуускайга, Москваҕа, Еланкаҕа уонна Мэҥэ-Хаҥалас улууһун Тумул сэлиэнньэтигэр уонна өссө Анастасия Диодорова төрөөбүт сайылыгар ааспыттара[2].
Паралимпийскай оонньуларга үрүҥ көмүс мэдээлиис буолбут Анастасия Диодорова кэпсээнигэр олоҕурар[3].
Сүжет
Киинэҕэ Анастасия Диодорова диэн олоххо ыарахан тургутуулары туораабыт спортсмен туһунан кэпсэнэр. Киинэ кини төрөппүттэрин, норуоттар икки ардыларынааҕы тустуук Алексей уонна кини кэргэнэ Людмила кэпсээннэриттэн саҕаланар. Үс саастаах Анастасия 1993 сыллаахха трансформатор будкатыгар электрическэй ток ылбыта, ол түмүгэр икки илиитин сүтэрбитэ. Киинэҕэ кини олоҕун сүрүн түгэннэрэ ойууланаллар — оҕо сааһын ахтыыларыттан саҕалаан күүстээх майгы үөскээһинигэр уонна спортивнай карьератын саҕаланыытыгар тиийэ[1].
Оруолларга
| Артыыс | Оруол |
|---|---|
| Мария Иванова | Анастасия Диодорова |
| Ирина Никифорова | Анастасия ийэтэ |
| Федот Львов | Анастасия аҕата |
| Татьяна Арнтгольц | тренер |
Уһулар бөлөх
- Режиссёр: Сандал Баишев
- Сценаристар: Сандал Баишев уонна Надежда Ильина
- Дойду: Арассыыйа
- Жанр: драма, спорт, биография
- Продюсердар: Сандал Баишев, Гаврил Адамов
- Оператор: Андрей Егоров
- Композитор: Андрей Федоров
- Худуоһунньуктар Петр Соловьев, Альбина Аркадьева, Галина Семенова
- Монтаж: Александр Арсеньев
- Арассыыйаҕа премьера: 2025 муус устар 17 күнэ[2]
