Гуляев Прокопий Васильевич
Гуляев Прокопий Васильевич (1910 бэс ыйын 5, Чурапчы — 1978 сэтинньи 15, Армавир[d], Краснодаар кыраайа) — Социалистыы Үлэ Дьоруойа, горняк. ССРС Үрдүкү Сэбиэтин 3-с ыҥырыытын дьокутаата[1], Саха АССР Үрдүкү Сэбиэтин дьокутаата.
Олоҕун олуктара
1910 сыллаахха от ыйын 5 күнүгэр Бүлүүчээн нэһилиэгэр төрөөбүт (атын дааннайдарынан - Чурапчы улууһун Чурапчы нэһилиэгэр төрөөбүт)[2]).
Алдаҥҥа 1931 сыллаахха, Чурапчыттан 60 буолан комсомол ыҥырыытынан, кэлбиттэр. Ленинскэй шахтаҕа үлэлээбит. Ол кэннэ А. Косарев аатынан шахтаҕа саха биригээдэтигэр инструктор-забойщигынан үлэлээбит. Горняк идэлэрин барытын баһылаабыт.
1944 сыллаахха Тырканда бириискэҕэ үлэлээбит.
Хойут Алдаҥҥа, Аллараа Кураанахха кыһыл көмүһү хостуур тэрилтэлэргэ үлэлээбит[3].
ССРС Үрдүкү Сэбиэтин Президиумун 1966 сыл ыам ыйын 20 күнүнээҕи ыйааҕынан өҥнөөх металлургияны сайыннарыыга уһулуччулаах ситиһиилэрин иһин Гуляев Прокопий Васильевичка Ленин уордьана уонна «Серп и Молот» кыһыл көмүс мэтээл туттарыылаах Социалистыы Үлэ Дьоруойун аатын иҥэрбиттэр[2].
Саха АССР Үрдүкү Сүбэтин депутатынан иккитэ талыллан үлэлээбит. 1950 сыллаахха ССРС Үрдүкү Сүбэтин депутатынан талыллыбыта[4]. 1968 сыллааххха пенсияҕа тахсыбыт. 1978 сыллаахха күн сириттэн барбыт. Армавир куоракка көмүллүбүт[2].
Наҕараадалара уонна ытык ааттара
- Социалистыы Үлэ Дьоруойа (1966);
- Ленин уордьана;
- «Бочуот Бэлиэтэ» уордьан;
- Мэтээллэр;
- Чурапчы Ытык олохтооҕо;
- Алдан куорат Ытык олохтооҕо[2].
Өссө маны көр
Аатын үйэтитии
Прокопий Гуляев аатынан 2021 сыллаахха кулун тутар 28 күнүгэр «Үбүлүөйдээх» туруупкаттан хостоммут 86,00 карааттаах алмаас ааттаммыт.
Быһаарыылар
Сигэлэр
- Владимир Пестерев. История Якутии в лицах. — Якутск: «Бичик», 2001.
- Герои Социалистического Труда Якутской АССР: биобиблиогр. справ. — Якутск, 1987. — С. 55—57.
- Гуляев Прокопий Васильевич// Энциклопедия ЯСИА
- Aldanweb:Гуляев Прокопий Васильевич