Нуучча тылынанАнал бырайыактар
Тылы уларыт
УРУБИИКИ ТУҺУНАН

Григорьев Евгений Николаевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Григорьев.

Евгений Николаевич Григорьев (1985 сыл алтынньы 5 күнэ, Дириҥ, Саха АССР) — 2021 сыл муус устар 2 күнүттэн 2026 сыл от ыйын 20 күнүгэр дылы «Дьокуускай куорат» куорат уокуругун баһылыга, «Биир ньыгыл Арассыыйа» баартыйа чилиэнэ[1]. Кини 2018—2019 сылларга Бүтүн Арассыыйатааҕы Арассыыйа Лидердэрэ күрэх кыайыылаахтарыттан биирдэстэрэ[2].

Олоҕун олуктара

1985 сыл алтынньы 5 күнүгэр Чурапчы улууһун Хоптоҕо нэһилиэгин Дириҥэр төрөөбүтэ. Ийэтин өттүттэн Евгений саха суруйааччыта, поэта Алексей Кулаковскай ыраах аймаҕа[3]. Төрөппүттэрэ Анна Саввичналаах Николай Семенович студенныы сылдьан Томскайга билсибиттэрэ. Аҕата Бүлүүттэн, онтон ийэтэ Чурапчы улууһуттан төрүттээхтэр. Иккиэн элбэх оҕолоох ыаллар (хас биирдиилэрэ уон биир оҕолоохтор) оҕолоро[4].

2008 сыллаахха Н. Э. Бауман аатынан Москватааҕы судаарыстыбаннай техническай университеты (нууч.) (сах. «менеджмент организации» идэтинэн бүтэрбитэ, специализацията — экэниэмикэ ресурстарын судаарыстыбыннай сүрүннээһин. 2015 сыллаахха О. Е. Кутафин аатынан Москватааҕы судаарыстыбаннай юридическай университеты «Юриспруденция» бакалавриат идэтинэн бүтэрбитэ. 2016 сыллаахха Арассыыйа бэрэсидьиэнин норуот хаһаайыстыбатын уонна судаарыстыбаннай салайыы академиятын бүтэрбитэ[3].

Үлэтэ

2017 сылтан «Саха Өрөспүүбүлүкэтин баһылыгын аттыгар инновационнай менеджмент үрдүкү оскуолата» диэн эбии идэлээх үөрэх судаарыстыбаннай автономнай тэрилтэтигэр бырайыактары салайыы дириэктэрин дуоһунаһыгар анаммыта. 2018 сыллаахха Дьокуускай куорат территориальнай сайдыытын агентствотын генеральнай дириэктэрин дуоһунаһыгар анаммыта. 2019 сыллаахха Дьокуускай куорат баһылыгын территориальнай сайдыыга солбуйааччы дуоһунаһыгар анаммыта[1]. 2021 сыллаахха Дьокуускай баһылыгын территориальнай сайдыыга бастакы солбуйааччы дуоһунаһыгар анаммыта.

2021 сыл муус устар 2 күнүгэр Дьокуускай куорат баһылыгын эбээһинэһин толорооччу дуоһунаһыгар анаммыта, ити сыл «Дьокуускай куорат» куорат уокуругун баһылыгынан талыллыбыта[5].

2026 сыл от ыйын 20 күнүгэр Дьокуускай куорат Дууматын уочарат таһынан сиэссийэтигэр бэйэтин баҕатынан уурайарын туһунан официальнайдык биллэрбитэ[6].

Дьиэ кэргэнэ

  • Кэргэннээх, үс оҕолоох[7].
  • Инитэ — Дьулустаан[4].

Наҕараадалара уонна ытык ааттара

  • Саха Өрөспүүбүлүкэтин норуотун хаһаайыстыбатын үтүөлээх үлэһитэ — олохтоох салайыныы салаатыгар өҥөлөрүн, өрөспүүбүлүкэ социальнай-экономическай сайдыытыгар кылаатын иһин (2026)[8].

Быһаарыылар

  1. ↑ 1 2 Григорьев Евгений Николаевич (рус.). yakut.er.ru. Сигэнии күнэ: 10 Муус устар 2022. Архивировано 16 Ыам ыйын 2022 года.
  2. ↑ Победители конкурса в 2018-2019 гг. (рус.). Лидеры России. Сигэнии күнэ: 18 Муус устар 2023.
  3. ↑ 1 2 Никитин А. Биография Евгения Григорьева: что известно о новом мэре Якутска. Комсомольская правда (30 Кулун тутар 2021). Сигэнии күнэ: 15 Атырдьах ыйын 2022. Архивировано 15 Атырдьах ыйын 2022 года.
  4. ↑ 1 2 Москвитина А. Евгений Григорьев о себе, работе и будущем Якутска. Якутия Daily (11 Олунньу 2021). Сигэнии күнэ: 15 Атырдьах ыйын 2022. Архивировано 15 Атырдьах ыйын 2022 года.
  5. ↑ Григорьев Евгений Николаевич. https://yakutskcity.ru. Сигэнии күнэ: 4 От ыйын 2025.
  6. ↑ Глава Якутска Евгений Григорьев подал заявление о досрочной отставке — РБК (рус.). www.rbc.ru (16 От ыйын 2026). Сигэнии күнэ: 16 От ыйын 2026.
  7. ↑ Евгений Григорьев: Моя жена — метиска, в ее жилах течет якутская и русская кровь. https://sakhalife.ru (21 Ахсынньы 2023). Сигэнии күнэ: 4 От ыйын 2025.
  8. ↑ Евгению Григорьеву присвоили звание «Заслуженный работник народного хозяйства Якутии», EXO-YKT.RU. Сигэнии күнэ: 22 От ыйын 2026.

Сигэлэр

Эбии бу тиэмэҕэ

Категориялар