Нуучча тылынанАнал бырайыактар
Тылы уларыт
УРУБИИКИ ТУҺУНАН

Григорьев Андрей Николаевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Григорьев.

Андрей Николаевич Григорьев (төр. Ньурба улууһа) — Арассыыйа байыаннайа, ефрейтор, Украинаҕа байыаннай дьайыыларга кыттыылаах, позывнойа «Тута». Арассыыйа Дьоруойа (2025)[1].

Биография

Андрей Григорьев Саха Сирин Ньурба улууһугар элбэх оҕолоох ыалга төрөөбүтэ[2].

Украинаҕа байыаннай дьайыыларга кыттыбыта. Кини позывнойа «Тута» диэн. Арассыыйа сэбилэниилээх күүстэрин «Восток» бөлөҕүн 39-с гвардейскай мотострелковай бригадатыгар сулууспалыыр[3][4].

2025 сыл олунньу 23 күнүгэр Аҕа дойдуну көмүскээччи күнүгэр бэрэсидьиэн Владимир Путин Андрей Григорьевка Арассыыйа Дьоруойа «Кыһыл көмүс сулуһун» үрдүк наҕарааданы туттарбыта[5].

Дьиэ кэргэнэ

Кэргэннээх, биэс оҕолоох[6].

Хорсун быһыыта

2024 сыллаахха сэтинньигэ, Украина сэбилэниилээх күүстэрэ ДНӨ-га Трудовое сэлиэннэни төттөрү ылаары гыммыттарын кэмигэр, Андрей Григорьев украинскай саллааты кытта илии кыргыһыытыгар киирсибиттэрэ. Өстөөх шлемын камерата охсуһууну түһэрбитэ. 2025 сыл саҥатыгар бу видео социальнай ситимнэргэ тахсыбыта. Онтон сиһилии биллибитэ. Андрей Григорьев эппитинэн, кинини уонна табаарыһын Трудовое сэлиэнньэҕэ Арассыыйа былааҕын туруоралларыгар дьаһал биэрбиттэр, ол гынан баран, бу сорудаҕы толоро сылдьан, Григорьев напарнига украинскай пулеметчикка өлбүт. Ол кэнниттэн украинскай саллаат Григорьевы бэрин диэн сатаабыт да[7], кини кинини кытта охсуһууга киирбит[8]. Григорьев саха быһахтаах этэ, ол быһаҕынан кини кыайбыта. Украина сэрииһитэ кинини аан дойдуга бастыҥ сэрииһит диэн ааттаан кинини быраҕан «эйэлээхтик барарын» көрдөспүт. Григорьев көрдөһүүтүн толорбута. Кыргыһыы кэнниттэн Григорьев алта күн өстөөх кэннитигэр соҕотоҕун тыыннаах хаалбыта[9]. Арассыыйа саллаата 14 осколочнай, икки быһаҕынан бааһырыы уонна контузия ылбыт. Госпитальга эмтэниини ааспыта.

ВСУ байыаннайын аата быһаарыллыбыта. Кини 30 саастаах Одесса уобалаһын төрүт олохтооҕо, Украина сэбилэниилээх күүстэрин 71-с биригээдэтин байыаһа Дмитрий Масловскай, Кобра диэн ыҥырыылаах киһи буолан тахсыбыт[10].

2025 сыл тохсунньу 11 күнүгэр Арассыыйа бэрэсидьиэнэ Владимир Путин Андрей Григорьевка «байыаннай эбээһинэһи толорууга хорсун быһыытын иһин» Арассыыйа Дьоруойун аатын иҥэрбитэ[11].

Бу күн Саха Сирин Ил Дархана Айсен Николаев Андрей Григорьевтыын көрүспүтэ. Сэрииһит бэйэтин дьоруойунан аахпат сэмэй эдэр киһи буоларын бэлиэтээбит. Кини хорсун быһыытын видеота суоҕа буоллар, баҕар, ким да билиэ суоҕа этэ. Көрсүһүү бүтүүтүгэр Айсен Николаев Андрей Григорьевка саҥа саха быһаҕын туттарбыта[12].

Америка миллиардера Илон Маск Андрей Григорьев украинскай саллааты кытта охсуһар видеотыгар комментарий биэрбит. Кини Х социальнай ситимигэр суруйбут:

Сэрэххэ, утуйар хоһум эркинигэр иһин Бастакы аан дойду сэриитин траншея быһаҕын ыйаабытым. 1917 сыл таһаарыыта. Чугас охсуһууга пистолеттан ордук туһалаах[13].

Наҕараадалар

Быһаарыылар

  1. ↑ Указ о присвоении звания Героя Российской Федерации ефрейтору Андрею Григорьеву, Президент России. Сигэнии күнэ: 11 Тохсунньу 2025.
  2. ↑ Татьяна Цвенгер. Глава Якутска подарил Андрею Григорьеву снегоболотоход (рус.). yakutia.kp.ru - (11 Тохсунньу 2025). Сигэнии күнэ: 11 Тохсунньу 2025.
  3. ↑ Козлов, Иван. Грыз зубами, бил ножом. Перед смертью солдат ВСУ восхитился якутским бойцом, AiF. Сигэнии күнэ: 11 Тохсунньу 2025.
  4. ↑ Маск прокомментировал рукопашную схватку штурмовика из Якутии с военным ВСУ - Российская газета, Российская газета (4 Тохсунньу 2025). Сигэнии күнэ: 11 Тохсунньу 2025.
  5. ↑ Владимир Путин Андрей Григорьевка «Кыһыл көмүс сулуһу» туттарда. https://sakha-sire.ru/. Sakha-sire.ru (23 Олунньу 2025). Сигэнии күнэ: 24 Олунньу 2025.
  6. ↑ Российские ученые увеличили срок службы никелида титана с помощью наноструктурирования | Газета Балаково(биллибэт). gazetabalakovo.ru. Сигэнии күнэ: 11 Тохсунньу 2025.
  7. ↑ Путин присвоил звание Героя России ефрейтору Григорьеву, Известия (11 Тохсунньу 2025). Сигэнии күнэ: 11 Тохсунньу 2025.
  8. ↑ Илон Маск прокомментировал схватку якутского военного с боевиком ВСУ, РЕН ТВ (4 Тохсунньу 2025). Сигэнии күнэ: 11 Тохсунньу 2025.
  9. ↑ Путин присвоил звание Героя РФ бойцу Григорьеву, победившему в рукопашной - Российская газета, Российская газета (11 Тохсунньу 2025). Сигэнии күнэ: 11 Тохсунньу 2025.
  10. ↑ Козлов, Иван. Стонал напрасно. Боец ВСУ, погибший в схватке с якутом, не дождался помощи, AiF. Сигэнии күнэ: 11 Тохсунньу 2025.
  11. ↑ Путин присвоил звание Героя РФ ефрейтору из Якутии Андрею Григорьеву, TACC. Сигэнии күнэ: 11 Тохсунньу 2025.
  12. ↑ Глава Якутии встретился с героем Андреем Григорьевым, прославившимся на поле боя. Сигэнии күнэ: 11 Тохсунньу 2025.
  13. ↑ Маск неожиданно высказался о схватке штурмовика из Якутии с военным ВСУ, РИА Новости (4 Тохсунньу 2025). Сигэнии күнэ: 11 Тохсунньу 2025.
  14. ↑ Указ о присвоении звания Героя Российской Федерации ефрейтору Андрею Григорьеву, Президент России. Сигэнии күнэ: 11 Тохсунньу 2025.

Категориялар