Битиим (бөһүөлэк)
Битиим (нууч. Витим) — Ленскэй улууска баар бөһүөлэк.
Улуус кииниттэн 229 км. соҕуруулуу-арҕаа диэкки Өлүөнэ өрүскэ, Витим өрүс төрдүтүн утары турар.
Нэһилиэнньэтин ахсаана 4100 киһи (2007 сыл)[1].
Кэрэхсэнэр сирдэрэ
Байыаннай Албан аат өйдөбүнньүгэ (Битиим) Аҕа дойду Улуу сэриитин кэмигэр өлбүт буойуннар кэриэһигэр анаммыт мемориальнай комплекс. Эрэгийиэн суолталаах устуоруйа пааматынньыга. 1967 сыллаахха Битиим бөһүөлэгэр Аҕа дойду Улуу сэриитин саллааттарыгар бастакы пааматынньык Өлүөнэ өрүс үрдүк кытылыгар туруоруллубута. Үөһэ биэс муннуктаах сулустаах тимир обелиск этэ. 2005 сыллаахха саҥардыллан тутуллубута.
Устуоруйаттан
Бөһүөлэккэ декабрист Семен Краснокутскай көскө олоро сылдьыбыта.
Бөһүөлэккэ төрөөбүттэр
- 1918 сыл ыам ыйын 31 күнүгэр төрөөбүтэ Серкина Александра Васильевна - ангиохирург, Иркутскай уобалас Ытык гражданина.
- 1964 сыл ыам ыйын 5 күнүгэр төрөөбүтэ Ларионов Cергей Александрович, "ЛОРП" ААО генеральнай дириэктэрэ.