Бүлүү улууһун өрөгөйүн ырыата

Былыргы быданныыр ол бырах кэмнэртэн
Биһиги Бүлүүбүт аар саарга аатырар,
Бу манна бар дьоммут үтүмэн үлэттэн
Байылыат, баай талым олоҕу уһанар.

Туругур, төрөөбүт Бүлүүбүт —
Төрүөттээх бу дьолбут, үөрүүбүт
Түөрэҕэ бигэтик олорбут —
Тускулу тутуспут дойдубут!

Улууһу чаҕылхай үс хотой дьоруойуҥ
Улуукан ааттара дойдуга аатырдар,
Килбиэннээх үлэҕэ Сулустаах дьонноруҥ
Кыайыыта инники кэккэҕэ ыҥырар.

Бүлүүнү ааттата күөх уоппут итиитэ
Бүгүҥҥү Сахабыт Сиригэр тарҕанар,
Уон омук түмсүбүт эрчимнээх үлэтэ
Уостубат уоҕунан бу манна тыыннанар.

Кэлэр кэм аатыгар саргылаах суолунан,
Кэскилбит туһугар саҥалыы күүһүнэн
Үлэһит Бүлүүбүт далааһын үйэҕэ
Үүнүүгэ-сайдыыга дабайан иһиэҕэ.