Барашков Сэмэн Петрович

Арҕаа Хаҥалас улууһун Хачыкаат нэһилиэк олохтооҕо.

Дьокуускай реальнай училищетыгар түөрт кылаастаах үөрэҕи ылбыта. Кинини кытта А. Е. Кулаковскай үөрэммит.

Өлүөнэ көмүс хостуур бириискэлэри уматык уонна шахта тирэхтэрин маһын тиэрдээччи буолан үлэҕэ киирбитэ. Бодойдо бириискэлэригэр тиийэн этинэн уонна арыынан эргинэр этэ. Харчы өлөрөн нэһилиэгэр төннүбүтэ.

Тииттээх диэн сиргэ биэс хостоох дьиэни, хотону, ампаардары, булуустары уонна атын хаһаайыстыбаннай тутуулары туппут. Сүүсчэкэ сүөһүнү уонна сылгыны атыыласпыт. Кэлин сибиинньэни, кууруссаны, барааны иитэр этэ. 100 га ойууру бааһына оҥорбут 40 га сири тиэрбит. Сыл аайы 500—600 буут туораҕы үүннэрэр буолбут^[1].

Бэйэтин хаһаайыстыбатыгар аныгылыы техниканы туттубута: ат уонна паар көлөлөөх молотилканы, тимир сири хорутар малы. Паарынан үлэлиир хамсатааччыны атыылаһан 1913 сыллаахха дьиэтигэр электричествоны киллэрэр. Нэһилиэгэр оскуоланы уонна балыыһаны тутан биэрбитэ. 1916 сыллаахха И. А. Тимофеевы кытта улахан оскуола дьиэтин турарга соруммута, дьиэни электричествонан уонна мебелинэн хааччыйыах буолбута.

Ону таһынан Дьокуускайга икки мэндиэмэннээх дьадаҥылэр оҕолорун пансионын тутуох буолбута. Ити тутуулары 1920 сыллаахха бүтэрэргэ соруммута.

Көрдөм диэн сиргэ Николаевскай сыаркапка көмөлөһөрө.

1910—1912 сыллардаахха кини дьэтигэр учууталынан А. Е. Кулаковскай үлэлээбитэ.

1921 сыл олунньу 22 күнүгэр 35 киһи иһигэр «сэбиэскэй былааһы утары барбытын иһин» ытан өлөрбүттэрэ. 1993 сыл ыам ыйын 24 күнүгэр реабилитацияммыта.

• Станиславскай лиэнтэлээх үрүҥ көмүс мэтээл (1912).

• Ийэтэ — Ксения Николаевна Барашкова. Аҕата — Петр Алексеевич Барашков (?—1899). Маачахата — Анна Васильевна Барашкова.
• Кэргэнэ А. В. Барашкова, М. Ф. Корнилов суруйбутунан, Соловецкай лааҕырга өлбүт. Ыал икки кыыстааҕа.
• Иккис кэргэнэ — Софья Николаевна (Тымтай Уйбаан кыыһа). Кыыстара Лидия Семеновна Барашкова.

• 16,5 караттаах бриллиаҥҥа Сэмэн Барашков аата иҥэриллибитэ;
• 1996 сыллаахха Сэмэн Барашков усадьбатын сиригэр обелиск туруоруллубута. Хачыкаат орто оскуолатыгар кини аата иҥэрэллибитэ^[2].