Нуучча тылынанАнал бырайыактар
Тылы уларыт
УРУБИИКИ ТУҺУНАН

Кузьмина Анна Ивановна

УРУБИИКИ иһигэр маннык араспаанньалаах дьон туһунан ыстатыйалар бааллар, көр Кузьмина.

Кузьмина Анна Ивановна (1933 сыл кулун тутар 3 күнэ, Нөмүгү нэһилиэгэ, Саха АССР — 2017 сыл сэтинньи 25 күнэ, Дьокуускай) — Саха Өрөспүүбүлүкэтин норуодунай артыыһа, РСФСР үтүөлээх артыыһа, Арассыыйаҕа тыйаатыр ускуустубатын сайдыытыгар уһулуччулаах кылаатын иһин «Кыһыл көмүс мааска» Национальнай тыйаатыр бириэмийэтин лауреата[1].

Олоҕун олуктара

  • 1933 сыл кулун тутар 3 күнүгэр Арҕаа Хаҥалас улууһугар (билиҥҥи Хаҥалас улууһа) Нөмүгү нэһилиэгэр төрөөбүт[1].
  • Дьокуускай куорат 2 №-дээх оскуолатын бүтэрбит, онно тыйаатыр куруһуогар дьарыктаммыт[2].
  • 1950—1955 сс. Москуба куоракка М. С. Щепкин аатынан Тыйаатыр училищетыгар туйгуннук үөрэммит.
  • 1955 сылтан, үөрэҕин бүтэриэҕиттэн, Былатыан Ойуунускай аатынан Саха академическай тыйаатырын артыыһа[1].
  • Саха АССР Үрдүкү Сүбэтин VIII ыҥырыытын депутатынан талыллан үлэлии сылдьыбыт.
  • Саха Өрөспүүбүлүкэтин «Ытык сүбэтин» чилиэнэ.
  • 2017 сыллаахха сэтинньи 25 күнүгэр Дьокуускайга олорон олохтон туораабыт[3].

Айар үлэтэ

55 сылтан тахса кэм устата 120-н тахса араас хараактырдаах оруоллары толорбут. Саха телевидениетыгар «Умуллубат сулустар» биэрии ааптара уонна ыытааччыта[1]. Саха бастакы артыыстарын туһунан «Умуллубат сулустар. Ахтыылар» кинигэтэ 2009 сыллаахха күн сирин көрбүтэ[4].

Үһуллубут киинэлэрэ

  • «Мотуо» (режиссер В. Семенов);
  • «Остров Тайвань» (режиссер Н. Аржаков);
  • «Ыаллыылар» (режиссёр Л. Васильева)[3].

Театрга оонньообут сүрүн оруоллара

  • Весна («Снегурочка» А. Островский);
  • Клея («Лиса и виноград» (Эзоп) Г. Фигейредо);
  • Мать земля («Материнское поле» Ч. Айтматов);
  • Леди Макбет («Макбет»);
  • Гертруда («Гамлет» В. Шекспир);
  • Фекла Ивановна («Женитьба» Н. Гоголь);
  • Катерина («Любовь»);
  • Агафья («Бүдүрүйбүт көммөт» А. Софронов);
  • Бабушка Эухения («Деревья умирают стоя» А. Касон);
  • Ивановна («Выходили бабки замуж» Ф. Буляков);
  • Ирина («Сааскы кэм» Амма Аччыгыйа);
  • Анна («Остров Тайвань» С. Ермолаев — Сиэн Өкөр);
  • Понсия («Дом Бернарды Альба» Г. Лорка);
  • Бабушка Дуглас («Көмүөл» В. Васильев — Харысхал, режиссер А. Борисов)[3].

Наҕараадалара уонна ытык ааттара

  • Саха АССР үтүөлээх артыыһа (1965);
  • РСФСР үтүөлээх артыыһа (1982);
  • Саха Өрөспүүбүлүкэтин норуодунай артыыһа (2003)[1];
  • «Гражданскай килбиэн» ураты Бэлиэ (2005);
  • Саха Өрөспүүбүлүкэтин Президенын Грамотата (2013);
  • «Кыһыл көмүс мааска» Национальнай тыйаатыр бириэмийэтин лауреата[5];
  • Хаҥалас улууһун Ытык киһитэ;
  • Саха Өрөспүүбүлүкэтин Ытык киһитэ[3].

Быһаарыылар

  1. ↑ 1 2 3 4 5 Анна Кузьмина. Кино-Театр.Ру. Сигэнии күнэ: 11 Олунньу 2026.
  2. ↑ Кузьмина Анна Ивановна (рус.). Хангаласская ЦБС (12 Сэтинньи 2010).
  3. ↑ 1 2 3 4 Скончалась народная артистка Якутии Анна Кузьмина — ЯСИА, Новости Якутии и Якутска — свежие новости онлайн на сайте ysia.ru — ЯСИА (25 Сэтинньи 2017). Сигэнии күнэ: 11 Олунньу 2026.
  4. ↑ Кузьмина А. И. Умуллубат сулустар: Ахтыылар. — Дь.: «Бичик», 2009. — 152 с. — ISBN 978-5-7696-3251-8
  5. ↑ Российская газета: Актрисе из Якутии присудили «Золотую маску». Сигэнии күнэ: 29 Балаҕан ыйын 2015. Архивировано 11 Олунньу 2026 года.

Категориялар