Австрия

Австрия
ниэм. Österreich
Былаах Дьаралык
Өрөгөй ырыата
Австрия Аан дойду картатыгар
Ил тыла	Ниэмэс тыла уонна Австрийский жестовый язык[d]
Киинэ	Вена
Валюта	Эуро
Ситим-домен	.at
Код ISO	AT
Код МОК	AUT
Төлөпүөн кода	+43
Кэм курдааһына	UTC+1:00[d]
Массыына сырыыта	уҥа[d]
Биики Хааһахха миэдьийэ билэлэр

Австрия (ниэм. Österreich Өстеррайх ), официаллык Австрия Республиката (Republik Österreich ) диэн Орто Европа дойдута. Кирбиилэhэр Германиялыын уонна Чехиялыын хоту, Словакиялыын уонна Венгриялыын илин, Словениялыын уонна Италиялыын соҕуруу, уонна Швейцариялыын уонна Лихтенштайнныын арҕаа. Дойду киин куората Вена Дунай өрүскэ турар.

Федерация сыһыаннаах ил, парламеннаах өрөспүүбүлүкэ. Аан дойду биир саамай баай дойдута, биир киһиэхэ тиксэр ВВП харчыта - $46330 (2012). Харчыта — эуро. Холбоһуктаах нациялар тэрилтэтин кыттыылааҕа, Эуросойууска киирэр. 1955 сылтан ыла бэйэтэ нейтралитет олохтообут уонна ханнык да сэрии-сэбилиниилээх тэрилтэлэргэ кыттыспат.

Австрия — 9 улуустан (нууч. земли, ниэм. Bundesländer) турар: Бургенланд, Каринтия, Алын Австрия, Үөһэ Австрия, Зальцбург, Штирия, Тироль, Форарльберг, Киин куорат Вена.

Австрия иэнэ 83 871 км², дойду 70% хайалар. Хайалар улахан аҥаара Илин Альпалар. Муҥутуур чыпчаала — Гросглоккнер (3797 м), ол онно Эуропа биир улахан Пастерце диэн мууһа сытар.

Австрия — Эуропа биир наука, култуура киинэ буолар. Венатааҕы ил опера — Аан дойду биир ордук операта буолар.

Австрия — Аан дойду хайа хайыһарын биир улахан киинэ буолар. Инсбрук куоракка иккитэ (1964 уонна 1976) кыһыҥҥы Олимпиада буолан ааспыт.

Быһаарыылар