Нуучча тылынанАнал бырайыактар
Тылы уларыт
УРУБИИКИ ТУҺУНАН

Эдуард Баланов

Эдуард Баланов (1981 сыл кулун тутар 24 күнэ, Найба[d], Саха АССР) — Арассыыйа ырыаһыта, «Туймаада» судаарыстыбаннай ырыа ансаамбылын артыыһа (тенор). Саха Өрөспүүбүлүкэтин үтүөлээх артыыһа.

Олоҕун олуктара

1981 сыллаахха кулун тутар 24 күнүгэр Булуҥ улууһун Хара Уулаах нэһилиэгин Ньаайба сэлиэнньэтигэр төрөөбүт[1].

Оҕо сааһа Булуҥ улууһугар ааспыт. Хара Уулаах орто оскуолатыгар үөрэммит.

1993 сылтан 1998 сылга диэри Тиксиигэ тэриллэр «Хоту дойду оҕолоро ыллыыллар-үҥкүүлүүллэр» диэн оҕо улуустааҕы фестивалын кыттыылааҕа[2].

Айар үлэтэ

Идэтийбит ырыаһыт быһыытынан (куолаһа — тенор) 2004 сылтан үлэлиир.

Араас сылларга Суорун Омоллоон аатынан Судаарыстыбаннай опера уонна балет тыйаатырын[3], Саха Өрөспүүбүлүкэтин Филармониятын хорун артыыһынан үлэлии сылдьыбыт[4].

Билиҥҥи кэмҥэ «Туймаада» судаарыстыбаннай ырыа ансаамбылын эр дьон бөлөҕүн аҕыс толорооччутун иһигэр киирэр[5].

Ансаамбыл норуот, классика уонна эстрада айымньыларынан сахалыы, нууччалыы тылларынан киэҥ репертуардаах. Саха сирин улуустарынан, Дьокуускай куорат араас былаһааккаларынан көхтөөхтүк кэнсиэр биэрэр. 2026 сыллаахха мелодист Валерий Ноев 85 сылыгар анаммыт «Иэйии ырыата» ырыалаах испэктээкили улуустарынан көрдөрбүт[6].

Эдуард Баланов ансаамбылга ыллыырыттан ураты, бэйэтэ туспа эмиэ ыллыыр, араас фестивалларга ыҥырыылаах артыыс, дьүүллүүр сүбэ чилиэнин быһыытынан кыттар, эдэр ырыаһыттарга маастар-кылаастары ыытар[1][7].

Атын үлэтэ

2010 сылтан тэрээһиннэргэ ыытааччынан (тамаданан) үлэлиир.

Блог устуутунан умсугуйар, Саха сирин биллиилээх дьонуттан интервью ылар, ону тэҥэ атын тиэмэлэргэ видеороликтары, рецептэри устан таһаарар.

Төрөөбүт Булуҥ улууһун туһунан «Байҕал дьоно» («Люди моря») документальнай киинэ (нууч.) (сах. ааптара[8].

Наҕараадалара уонна ааттара

  • Саха Өрөспүүбүлүкэтин култууратын туйгуна[2];
  • Саха Өрөспүүбүлүкэтин үтүөлээх артыыһа[5];
  • Култуура үлэһиттэрин профсоюһун Рескомун өр сыллаах үтүө суобастаах үлэтин, култуура уонна ускуустуба сайдыытыгар кылаатын иһин махтал суруга[9].

Тус олоҕо

Бэйэтэ иһитиннэрбитинэн, үгүс сыллар усталарыгар сүүрүүнэн уонна күүс эрчиллиитинэн дьарыктанар. Тиһигин быспакка сүүрэр, официальнай маассабай сүүрүүлэргэ кыттар.

Кэргэннээх, икки кыыс оҕолоох[8].

Быһаарыылар

  1. ↑ 1 2 Пост Эдуарда Баланова в социальной сети ВКонтакте (рус.). VK.com (24 Кулун тутар 2024).
  2. ↑ 1 2 Созвездие талантливых и смелых (рус.). ЯСИА (17 Муус устар 2018).
  3. ↑ Премьера «Севильского цирюльника» в Якутске: фоторепортаж (рус.). Yakutia.info (17 Кулун тутар 2017).
  4. ↑ Годовой отчет 2018 г. (рус.). АУ «Государственная филармония Республики Саха (Якутия) им. Г. М. Кривошапко». Сигэнии күнэ: 16 Кулун тутар 2026.
  5. ↑ 1 2 Артисты — Туймаада(биллибэт). gva-tuimaada.ru. Сигэнии күнэ: 16 Кулун тутар 2026.
  6. ↑ Ансамблю «Туймаада» исполняется 30 лет (рус.). ЯСИА (12 Ахсынньы 2017).
  7. ↑ В Якутске прошел фестиваль «Честь имею» (рус.). Yakutia.info (18 Ахсынньы 2023).
  8. ↑ 1 2 VK.com | VK (англ.). vk.com. Сигэнии күнэ: 16 Кулун тутар 2026.
  9. ↑ Реском профсоюза работников культуры поздравил коллектив (рус.). MySeldon (26 Кулун тутар 2025).

Категориялар