Фёдоров Георгий Константинович
Георгий Константинович Фёдоров (1916 эбэтэр 1916, Болтоҥо нэһилиэгэ (Чурапчы улууһа), Боотур Уус улууһа, Арассыыйа импиэрийэтэ — 1991, Саха Сирэ) ― Аҕа дойду Улуу сэриитин кыттыылааҕа, гвардия сержана, снайпер, өстөөх 116 саллаатын уонна эпиһиэрин суох гыммыта[1].
Олоҕун олуктара
1916 сыллаахха Саха АССР Чурапчы улууһугар аныгы Болтоҥо нэһилиэгэр төрөөбүтэ.
Фёдоров сэрии иннинэ Саха АССР Таатта оройуонун Судаарыстыбаннай баанын салаатын иниспиэктэринэн үлэлээбитэ.
Аҕа дойду Улуу сэриитэ саҕаламмытын кэннэ Кыһыл Аармыйа кэккэтигэр Чурапчытааҕы РВК-ттан ыҥырыллыбыта. Фроҥҥа 1942 сыл олунньу 5 күнүттэн сылдьыбыта. Демянскай анныгар сэриилэһиигэ кыттыбыта, Старая Руссаны босхолоспута.
Тус бэйэтэ снайпер идэтигэр 15 саллааты үөрэппитэ. Украина 2-с фронун 37-с аармыйатын 188-с стрелковай дивизиятын 580 стрелковай полкатын 4-с стрелковай ротатын парторгунан талыллыбыта. Кривой Рогу босхолуур кыргыһыыга уонна Днепры туорааһыҥҥа кыттыбыта.
Бу кыргыһыы кэмигэр 77 ньиэмэс саллаатын уонна эпиһиэрин суох гыммыта. Аармыйаҕа 1946 сыл бэс ыйыгар диэри сулууспалаабыта.
Дойдутугар төннөн баран былаанныыр хамыыһыйа бэрэссэдээтэлинэн, райисполком бэрэссэдээтэлин солбуйааччытынан уонна Сунтаар оройуонун былаанныыр салаатын начаалынньыгынан үлэлээбитэ[1].
1991 сыллаахха өлбүтэ.
Наҕараадалара
- Икки Кыһыл Сулус уордьана;
- Аҕа дойду сэриитин I истиэпэннээх уордьана;
- Аҕа дойду сэриитин II истиэпэннээх уордьана;
- «Хорсунун иһин» мэтээл;
- «1941—1945 сс. Аҕа дойду Улуу сэриитигэр Германияны кыайыы иһин» мэтээл;
- Верховнай Главнокомандующай 15 махтал суругунан, «Снайпер» фронтовой значогунан уонна снайпер винтовкатынан наҕараадаламмыта[1].
Аатын үйэтитии
Дьоруой дойдутугар Георгий Константинович Фёдоров аатыгар анаммыт ытыыга күрэхтэһии ыытыллар[2].