Нуучча тылынанАнал бырайыактар
Тылы уларыт
УРУБИИКИ ТУҺУНАН

Файрушина Розалина Валентиновна

УРУБИИКИ иһигэр маннык араспаанньалаах дьон туһунан ыстатыйалар бааллар, көр Файрушина.

Файрушина Розалина Валентиновна (1993 сыл бэс ыйын 30 күнэ, Сунтаар, Саха сирэ) — Арассыыйа ырыаһыта, эдьиийдии-балыс Файрушиналартан биирдэстэрэ.

Олоҕун олуктра

1993 сыллаахха бэс ыйын 30 күнүгэр Сунтаар улууһун Сунтаар нэһилиэгэр ырыаһыт, ырыа айааччы Ангелина Файрушина (1967—2010) дьиэ кэргэнигэр үһүс оҕонон төрөөбүт.

Оҕо сааһа Сунтаарга ааспыт. Дьокуускай 17 №-дээх орто оскуолатын бүтэрбит[1][2].

Дьокуускайдааҕы музыка колледжыгар үөрэммит[3].

Айар үлэтэ

Бэйэтэ кэпсээбитинэн, сыанаҕа аан бастаан үс саастааҕар тахсыбыт, «Күнчээн» диэн ийэтэ суруйбут ырыатын ыллаабыт.

Дьокуускайга көһүөр дылы Семен Ченяновка ырыаҕа үөрэммит, Сунтаар улууһун «Мозаика» ансаамбылыгар дьарыктаммыт[2].

2007 сыллаахха, 14 саастааҕар, «Саҥа ырыа» интерактивтаах ырыа күрэҕэр ийэтин Ангелина уонна эдьиийин Ирена Файрушиналары кытта кыттыбыт. Кинилэр триолара «Ийэ мичээрэ» диэн Аким Кондратьев хоһоонугар, Ангелина Файрушина дьүрүлүгэр ырыаны толорон күрэх сүрүн түһүмэҕэр киирбит[4].

Бу кэннэ «Муравейник» рэп (нууч.) (сах.-бөлөҕү кытта үлэлэһэн, «Моя дорогая мама» уонна «Эн сэрэй» ырыалары таһаарбыт.

2009 сыллаахха ийэтин Ангелина Файрушина «Ийэ мичээрэ» диэн альбомугар икки ырыаны толорбут[2].

2012 сыллаахха кэргэн тахсыаҕыттан[5], үксүн кэргэнинээн Григорий Пермяковы — Сахамины, ону тэҥэ эдьиийин Ирена Файрушина-Кириллинаны кытта дуэтынан ыллыыр. Кинилэри кытта өрөспүүбүлүкэ улуустарынан кэнсиэрдииллэр, Дьокуускай куоракка буолар түһүлгэлэргэ кытталлар[6].

«Ийэ мичээрэ» ырыаны Ирена Файрушиналыын ийэлэрин кэриэһигэр ыллыыллар. Бу ырыа аатынан Дьокуускайга сылын аайы ыытыллар ийэ күнүгэр аналлаах кэнсиэр ааттаммыт[7].

Сахаминныын толорбут ырыалара

  • «Мин эрэнэбин» (2025);
  • «Эрэли иитэҕин» (2025);
  • «Дьокуускай куоратым» (2024);
  • «Кэрэ кыыс» (2022);
  • «Бэлэхтээ» (2021);
  • «Итэҕэй» (2021);
  • «Улахан тапталым» (2020);
  • «Хомотума»;
  • «Мэник-тэник»;
  • «Көмүс түгэн»;
  • «Эн суоххар»;
  • «Эн тоҕо»;
  • «Билинии»;
  • «Сулустар»;
  • «Арай мин»[8].

Маны таһынан, Эрчимниин «Сулустар» диэн бииргэ ыллаабыт ырыалаах. Анна Барашкова «Оторой-моторой» диэн ырыатын толорор[3].

Тус олоҕо, дьиэ кэргэнэ уонна аймахтара

Аҕата — Валентин Файрушин, урбаанньыт. Анатолий диэн убайдаах.

Кэргэнэ ырыаһыт Григорий Пермяков (айар аата Сахамин). Икки уол, биир кыыс оҕолоохтор[9].

Быһаарыылар

  1. ↑ Fayrushina Rozalina (рус.). vk.com. Сигэнии күнэ: 20 Кулун тутар 2026.
  2. ↑ 1 2 3 Интервью сестер Файрушиных (рус.). СулуStar (2009). Сигэнии күнэ: 20 Кулун тутар 2026.
  3. ↑ 1 2 Оксана Жиркова. Розалина уонна Сахамин: таптал устуоруйата(биллибэт). kyym.ru. Сигэнии күнэ: 22 Кулун тутар 2026.
  4. ↑ Отборочный тур интерактивного телеконкурса «Сана ырыа-2007» (рус.). amga.my1.ru (28 Алтынньы 2007). Сигэнии күнэ: 20 Кулун тутар 2026.
  5. ↑ Розалина и Гриша — самая молодая звездная семья в Якутии (рус.). vk.com. Сигэнии күнэ: 20 Кулун тутар 2026.
  6. ↑ Ирена и Розалина Файрушины (рус.). vk.com. Сигэнии күнэ: 20 Кулун тутар 2026.
  7. ↑ Ийэ мичээрэ | AfishaYkt (амер. англ.). afisha.ykt.ru. Сигэнии күнэ: 22 Кулун тутар 2026.
  8. ↑ Самые популярные треки Розалина Файрушина(биллибэт). Яндекс Музыка. Сигэнии күнэ: 22 Кулун тутар 2026.
  9. ↑ Бортовой журнал авиакомпании «Якутия» (рус.). yakutia.aero (Ахсынньы 2024). Сигэнии күнэ: 20 Кулун тутар 2026.

Категориялар