Трофимова Варвара Петровна
Трофимова Варвара Петровна (1911 сыл атырдьах ыйын 25 күнэ [балаҕан ыйын 7 күнэ] эбэтэр 1911 сыл атырдьах ыйын 25 күнэ, Бөкчөҥөө нэһилиэгэ, Саха АССР — 1990 сыл алтынньы 7 күнэ, Бүлүү улууһа, Саха ССР) — Социалистыы Үлэ Дьоруойа, Бүлүү улууһун «Якутскай» сопхуос ыанньыксыта.
Олоҕун олуктара
1911 сыллаахха атырдьах ыйын 25 күнүгэр Бүлүү улууһун Бөкчөҥөө нэһилиэгэр төрөөбүт.
1931 батыраактарга аналлаах кууруһу бүтэрбит. 1932 сыллаахтан ВКП(б)/КПСС чилиэнэ.
Атыыһыттаабыт, онтон 1934—1937 сылларга — пиэрмэ сэбиэдиссэйэ буолбут. 1937—1939 сс. — үүт собуотугар маастарынан үлэлээбит.
1939 сыллаахтан салайар үлэҕэ сылдьыбыт: ВКП Саха сиринээҕи райкомун сэкрэтээрэ, Горнай райкомун каадырдарга сэкрэтээрэ, Дьокуускайдааҕы райисполком салаатын сэбиэдиссэйэ.
1946 с. бэйэтин баҕатынан тыа хаһаайыстыбатыгар эйгэтигэр үлэҕэ көспүт, Бүлүү улууһун «Якутскай» сопхуоһугар 20 сыл ыанньыксыттаабыт.
ССРС Үрдүкү Сүбэтин Президиумун 1960 сыл кулун тутар 7 күнүнээҕи Ыйааҕынан Трофимова Варвара Петровнаҕа Социалистыы Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.
1966 с. биэнсийэҕэ тахсыбыта. Саха АССР Үрдүкү Сэбиэтин V ыҥырыытын дьокутаата.
Бүлүүгэ улууһугар олорбут. 1990 сыллаахха алтынньы 7 күнүгэр өлбүт[1].
Наҕараадалара уонна ытык ааттара
- Социалистыы Үлэ Дьоруойа[2] (1960);
- Бүлүү улууһун Ытык олохтооҕо[3][1].
Аатын үйэтитии
2021 сыллаахха В. П. Трофимова аата «Удачнай» кимберлит туруупка руднигыттан хостоммут 69,47 караттаах ювелирнай хаачыстыбалаах алмааска иҥэриллибит[4].
Быһаарыылар
Литература
- Владимир Пестерев. История Якутии в лицах. — Якутск: «Бичик», 2001.
- Герои Социалистического Труда: Биобиблиогр. справ. — Якутск, 1987. — С. 158—159