Титов Николай Васильевич
Титов Николай Васильевич (1925 сыл муус устар 24 күнэ, Сапожок[d], Рязанский округ[d] — 1993 сыл ыам ыйын 31 күнэ, Запорожье уобалаһа[d])— Якуталмаз холбоһук «Мир» карьерын экскаваторын машиниһа, Мииринэй куорат Ытык киһитэ, Социалистыы Үлэ Дьоруойа.
Олоҕун олуктара
Рязань күбүөрүнэтигэр Ряжскай уездын Сапожок дэриэбинэтигэр 1925 сыллаахха муус устар 24 күнүгэр төрөөбүт.
1943 тохсунньутуттан Аҕа дойду Улуу сэриитигэр 1195-с стрелковай полкатын 360-с стрелковай дивизиятыгар сулууспалаабыт.
Ураал шаахталарыгар үлэлээбит. 1959 сылтан Мииринэйгэ олорбут, экскаваторщигынан үлэлээбит.
ССРС Үрдүкү Сүбэтин Президиумун 1971 сыл муус устар 9 күнүнээҕи Ыйааҕынан Титов Николай Васильевичка Социалистыы Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.
Украина Запорожскай уобалаһыгар олорон 1993 сыллаахха ыам ыйын 31 күнүгэр өлбүт[1].
Наҕараадалара уонна ытык ааттара
- Социалистыы Үлэ Дьоруойа[2] (1971)
- Кыһыл Знамя Уордьана (28.03.1945);
- Аҕа дойду Улуу сэриитин 2 истиэпэннээх уордьана (11.03.1985);
- Албан Аат 3 истиэпэннээх уордьана (01.09.1944);
- «Хорсунун иһин» мэтээл (30.05.1944);
- Мирнэй куорат Ытык киһитэ;
- Саха АССР бочуоттаах горняга[1].
Быһаарыылар
Сигэлэр
- Официальный информационный портал Республики Саха (Якутия): Герои Социалистического Труда
- Владимир Пестерев. История Якутии в лицах. — Якутск: «Бичик», 2001.