Тимофеев Ньургун Семенович
Тимофеев Ньургун Семенович (1963 сыл олунньу 7 күнэ, Дьокуускай — 2017 сыл ахсынньы 13 күнэ, Дьокуускай) — саха бэлиитигэ, 2005—2008 сс. Ил Түмэн Бэрэссэдээтэлэ, техническэй билимнэр хандьыдаата[1][2][3].
Олоҕун олуктара
Ньургун Тимофеев 1963 сыллаахха олунньу 7 күнүгэр Дьокуускайга төрөөбүт.
1985 с. — Саха судаарыстыбаннай университетын бүтэрбит.
1989 с. — Томскайдааҕы политехническэй институт аспирантуратын бүтэрбит[4].
1991—1992 сс. — АК «Туймаада Даймонд» техническэй дириэктэрэ.
1992—1993 сс. — АК «Саха Даймонд» генеральнай дириэктэрэ[5].
1993—1996 сс. — АК «АЛРОСА» ЯПТА дириэктэрэ[6].
1996—2005 сс. — АК АЛРОСА сбытка тэрилтэтин Генеральнай директорын солбуйааччыта (Москва к.)
2000 с. — Норуот хаһаайыстыбатын Академиятын бүтэрбит, техническэй билимнэр кандидаттара[3].
Бэлиитикэ
2005 сыл ыам ыйын 19 күнүттэн 2008 сылга диэри Саха Өрөспүүбүлүкэтин Ил Түмэнин Бэрэссэдээтэлэ. Урукку спикер Николай Соломов дуоһунаһыттан ууратыллыбытын кэннэ, кини миэстэтин ылбыта. Саха сирин Ил Түмэнин саҥа бэрэссэдээтэлин талар кистэлэҥ куоластааһыҥҥа 51 дьокутаат сөбүлэспитэ, биир киһи туттуммута, оттон алта киһи утары куоластаабыта[7].
Намнааҕы 24 №-дээх уокуруктан дьокутаатынан талыллан үлэлээбитэ.
2012 сыл от ыйын 14 күнүттэн 2017 сыл тохсунньу 30 күнүгэр диэри СӨ Ил Дарханын сүбэһитэ[8][9].
2017 сыл ахсынньы 13 күнүгэр соһуччу күн сириттэн күрэммитэ.
Наҕараадалара уонна ытык ааттара
- Саха Өрөспүүбүлүкэтин норуотун хаһаайыстыбатын үтүөлээх үлэһитэ;
- Нам улууһун Ытык олохтооҕо;
- Өлөөн улууһун Ытык олохтооҕо;
- «Арассыыйа национальнай Олимпа» Бүтүн Арассыыйатааҕы уопсастыбаннай бириэмийэ лауреата, «2006-2007 сыллардааҕы Спикер» Бочуоттаах аат хаһаайына;
- «Саха сирэ Арассыыйаны кытта 380 сыла» юбилейнай бэлиэ[10].
Аатын үйэтитии
- 2018 сыл тохсунньу 17 күнүгэр «Юбилейнай» туруупкаттан хостоммут 91,76 карат ыйааһыннаах алмааска Ньургун Тимофеев аата иҥэриллибитэ[11];
- 2020 сыл кулун тутар 13 күнүгэр Нам нэһилиэгин Олимпийскай резервэтин өрөспүүбүлүкэтээҕи успуорт оскуолатыгар Ньургун Тимофеев аата бэриллибитэ[12][13];
- 2021 сыл олунньу 9 күнүгэр Дьокуускай куоракка, Аммосов уулуссатын 8-с нүөмэрдээх дьиэтин эркинигэр Ньургун Тимофеевка анаммыт өйдөбүл дуоската аһыллыбыта[14].