Серебряков Иван Иосифович

1930 сыллаахха ахсынньы 5 күнүгэр Челябинскай уобалас Еманжелинскай оройуонугар Кумыртки с. төрөөбүт.

14 сааһыттан үлэлээн барбыт, бастаан рабочайынан, ол кэннэ Челябинскай уобалас «Коркинуголь» трескэ экскаватор машиниһынан.

Балтика морфлотугар сулууспалаабыт.

1959 сыллаахха ССКП КК путевкатынан Мирнэйгэ кэлэн, ЭКГ-4, ЭКГ-8 экскаватордарга машиниһынан, экипаж биригэдьииринэн үлэлээбит.

1960 сыллаахха экскаваторщиктар биригээдэлэрин салайааччытынан анаммыт.

1966 сыллаахха кини салайар экскаваторщиктар биригээдэлэрэ хайа маассатын таһыы рекорднай көрдөрүүлэрин ситиспиттэр. Саҥа күүстээх ЭКГ-8 экскаватор саҥа кэлбитигэр, биригээдэ ону кыһыҥҥы усулуобуйаҕа рекорднай кылгас болдьоххо хомуйбут. 8 машинист-экскаваторщигы үлэҕэ бэлэмнээбит, 11 рационализаторскай этии ааптара, олору киллэрии сылга 32 тыһыынча солкуобайы экономияҕа таһаарбыт.

ССРС Үрдүкү Сүбэтин Президиумун 1966 сыл ыам ыйын 20 күнүнээҕи Ыйааҕынан Серебряков Иван Иосифовичка Социалистыы Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.

1966 с. — «Якуталмаз» Холбоһук профкомун бэрэссэдээтэлинэн талыллан 8 сыл үлэлээбит.

1968 сыллаахха Хабаровскайдааҕы Үрдүкү партийнай оскуоланы бүтэрбит.

Бу кэннэ 14 сыл устата кадр салаатын начальнигынан, «Якуталмаз» Холбоһук генеральнай директорын көмөлөһөөччүтүнэн үлэлээбит.

1992 сыллаахха өлбүт, төрөөбүт дойдутугар — Челябинскай уобалас Еманжелинск куоратын сиригэр — көмүллүбүт.

• Мирнэй куорат Ытык олохтооҕо^[3] (1964)
• Социалистыы Үлэ Дьоруойа^[4] (1966)
• Ленин уордьана;
• «Сиэрпэ уонна Балта» кыһыл көмүс мэтээл;
• «Бочуот бэлиэтэ» уордьан (1976).

• И. И. Серебряков аатынан 68 караттаах бөдөҥ алмаас таас ааттаммыт.
• Олорбут дьиэтин эркинигэр, Мирнэй куорат Ленин уулуссатын 11 №-гэр, өйдөбүнньүк туруоруллубут.