Порядин Фёдор Афанасьевич
Порядин Фёдор Афанасьевич (муус устар 15 күнэ 1906, Моорук нэһилиэгэ, Мэҥэ-Хаҥалас улууһа — 1973) — Саха Сирин мэдэссиинэ үлэһиттэриттэн биирдэстэрэ, Тулагы фельдшер-акушер пуунун сэбиэдэссэйэ, Саха АССР доруобуйа харыстабылын туйгуна.
Биография
Порядин 1906 сыллаахха муус устар 15 күнүгэр Мэҥэ-Хаҥалас улууһун Моорук нэһилиэгэр төрөөбүтэ. 1928 сыллаахха Саха мэдэссиинэ техникумын бүтэрбитэ. Техникумы бүтэрэн баран 1937 сыллаахха диэри Чурапчы, Майы учасковай балыыһаларын сэбиэдэссэйэ.
1937 сылтан 1970 сылга диэри Тулагы учасковай балыыһатыгар үлэлээбитэ. Олохтоохтору мэдээссиинэ өттүнэн үөрэппитэ, сэллик уонна одуруун утары үлэлээбитэ. Кини үлэлииригэр медпуун, төрүүр дьиэ, сэллик утары балыыһа уонна колхоз ыккардынааҕы баанньык арыллыбыттара. Аҕа дойду Улуу сэриитигэр РК ВКП(б) агитатора этэ, фроҥҥа ичигэс таҥаһы уонна харчыны ыытарга көмөлөспүтэ.
Олохтоох Сэбиэт дьокутаата быһыытынан биэстэ талыллыбыта.
Наҕараадалар
- Бочуот уордьана;
- "Аҕа дойду сэриитигэр 1941-1945 сс. килбиэннээх үлэ иһин" мэтээл;
- Саха АССР Үрдүкү Сэбиэтин бочуотунай грамотата.
Аатын үйэтитии
Тулагы уулуссаларыттан биирдэстэрэ Порядин Фёдор Афанасьевич аатын сүгэр.
Литэрэтиирэ
- Имена на улицах Якутска : (биобиблиографический справочник) / Окружная администрация города Якутска, Управление культуры и духовного развития городского округа «город Якутск» Муниципальное бюджетное учреждение "Централизованная библиотечная система городского округа «город Якутск», Информационно-библиографический отдел; [составители: Зедгенидзева А. Н., Иванова М. Н., Купоросова Т. И. и др. ; редакторы: Попова С. В., Иванова М. Н. ; руководитель проекта Тихонова Н. Н. ; вступительное слово главы ГО «город Якутск» Евгения Григорьева]. — Якутск : ЦГБ, 2002- . — 21 см. Вып. 4. — 4-е изд., перераб. — 2022. — 693 c. : портр. — 69 экз.