Павлов Фёдор Фёдорович

1940 сыллаахха атырдьах ыйын 31 күнүгэр Горнай оройуон Иккис Атамай нэһилиэгэр Бэс Күөл с. төрөөбүт.

1968 сыллаахха Дьокуускайдааҕы уус-уран училищены бүтэрбит.

1977 сыллаахха Уһук Илиннээҕи искусство институтун (Владивосток к.), С. А. Литвинов мастерскойугар үөрэнэн, бүтэрбит.

1969—2012 сылларга — И. Е. Винокуров аатынан Намнааҕы педагогика колледжын преподавателэ^[1]. Бу сыллар тухары тиһигин быспакка үөрэнээччилэр дипломнай үлэлэрин салайбыт.

1971 сыллаахха Орел судаарыстыбыннай пединститутугар, 1979 сыллаахха — И. Е. Репин аатынан «Академическай даача» Айар дьиэҕэ, 1987 сыллаахха Красноярскай кыраай Горячие Ключи куоратыгар айар командировкаларга сылдьан квалификациятын үрдэппит.

12 сыл устата Саха судаарыстыбыннай педагогика Академиятын доценынан, М. К. Аммосов аатынан ХИФУ иһинэн педагогика институтун кэтэхтэн үөрэнэр салаатын старшай преподавателинэн үлэлээбит.

Живописька, уруһуйга «Голова», «Фигура человека»,"Живопись головы", «Этапная методическая разработка» үөрэх бырагыраамаларын ааптара^[2].

Станокка уруһуйунан дьарыктанар, пейзажист-худуоһунньук быһыытынан биллэр. Ону таһынан, 30-ча оҕо, ыччат кинигэтин ойуулаабыт.

Үлэ дьонун олохторун-дьаһахтарын көрдөрөр, устуоруйа темаларыгар элбэхтик үлэлээбит. Тус көрдөрүүлэрэ Дьокуускайга, Хабаровскайга, Москваҕа, Сахалиҥҥа, Нам, Горнай улуустарыгар ыытыллыбыттар. Итини сэргэ, Омскайга, Москваҕа, Пермь, Златоуст (нууч.) (сах., Дьокуускай куораттарга Арассыыйа орто анал үөрэх кыһаларын уус-уран уруһуй, графика салааларын преподавателлэрин, Саха сирин худуоһунньуктарын сойуустарын айар быыстапкаларын кыттыылааҕа^[2].

• Арассыыйа Федерациятын норуотун үөрэҕириитин туйгуна;
• Арассыыйа Федерациятын орто анал үөрэхтээһинин ытык үлэһитэ;
• «Саха Өрөспүүбүлүкэтин учууталларын учуутала» Бэлиэ;
• Саха Өрөспүүбүлүкэтин култууратын туйгуна;
• Саха Өрөспүүбүлүкэтин үөрэҕириитин бочуоттаах бэтэрээнэ^[2];
• «Нам улууһун сайдыытыгар кылаатын иһин» Бэлиэ;
• Нам улууһун Ытык олохтооҕо^[1].