Нуучча тылынанПартнёрдар бырайыактараАнал бырайыактар
Тас көрүҥүн уларытТылы уларыт
УРУБИИКИ ТУҺУНАН

Павлов Лев Семёнович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Павлов.

Лев Семёнович Павлов (төр. 2004 сыл олунньу 6 күнэ, Усуйаана[d], Саха сирэ) — саха тустууга. Тустууга успуорт маастара (2024)[1]. Тустууга юниордар ыккардалыгар Европа чөмпүйүөнэ (2025).

Биография

Лев Павлов 2004 сыллаахха олунньу 6 күнүгэр Усуйаанаҕа төрөөбүтэ. Аҕата Семен Павлов уолун кыра сааһыттан тустууга дьарыктыыра. Дьиэ кэргэн Сунтаарга көспүтэ[2]. Тренера Николай Данилов буолбута, олимпийскай резерв успуорт оскуолатыгар дьарыктанан саҕалаабыта[3].

Успуорт карьерата

Бөҕөс дебюта 2022 сыллааҕы тустууга Арассыыйа бастааһыныгар буолбута. Финалга Ахмед Идрисовы кытта киирсэн 3:6 ахсаанынан кыайтарбыта, үрүҥ көмүс наҕарааданы ылбыта[4].

Лев Павлов 2025 сыл кулун тутардааҕы көҥүл тустууга Европа чөмпүйэнээтигэр 57 кг диэри ыйааһын категорияҕа кыттыбыта. Күрэхтэһии Албанияҕа ааспыта. Кулун тутар 9 күнүгэр Лев Павлов Рахман Имановы (Азербайдьан) 3:0 кыайбыта. Кэлин Македония бөҕөһүн Стефон Штёрджону 10:0 ахсаанынан кыайбыта. Полуфиналга Лев Павлов украинец Владислав Абрамовы 10:0 ахсаанынан кыайбыта. Финалга Лев Павлов Грузия бөҕөһүн Нико Зангаладзены кытта киирсибитэ. Тустааччыларга иккиэннэригэр сэрэтии бэриллибитэ. Ол кэннэ саха уола этэҥҥэ кэннинэн тахсан, накаты оҥорбута. Бөҕөс секундана сөбүлэспэккэ, арбитр быһаарыытын утарыта сатаабыта, ол эрээри «челленджка» кыайтарбыта. Павловка эбии балл бэриллибитэ. Лев Павлов 6:1 ахсаанынан утарылаһааччытын кыайан Европа бастааһыныгар кыһыл көмүс мэтээли ылбыта[5].

2025 сыл алтынньытыгар дойдулар ыккардыларынааҕы Хадарцевтар бириистэригэр күрэхтэһиигэ боруонса мэтээли кыайбыта. Лев Павлов кыра финалга 57 кг диэри категорияҕа Агашерин Агашериновы кытта киирсибитэ. Саха бөҕөһө 3:1 ахсаанынан кыайбыта. Полуфиналга Рамиз Гамзатовка 1:3 ахсаанынан хотторбута[6].

Титуллара уонна ситиһиилэрэ

  • Тустууга Арассыыйа бастааһына U21 2022 — 2;
  • Тустууга Арассыыйа бастааһына U21 2023 — 1;
  • Тустууга Арассыыйа бастааһына U23 2023 — 2;
  • Тустууга Арассыыйа бастааһына U21 2024 — 1;
  • Көҥүл тустууга Арассыыйа Чөмпүйэнээтэ 2024 — 2;
  • Тустууга Европа бастааһына U20 2024 — 1;
  • Тустууга Аан дойду бастааһына U20 2024 — 2;
  • Европа чөмпүйүөнэ U23 2025 — 1[7];
  • Хадарцевтар бириистэригэр күрэхтэһии — 3.

Дьиэ кэргэнэ

Аҕата — Семен Павлов, спортсмен, А. И. Иванов аатынан Олимпийскай резерв өрөспүүбүлүкэтээҕи анал успуорт оскуола дириэктэрин солбуйааччыта.

Ийэтэ — Майя Павлова, оройуоннааҕы судаарыстыбаннай баһаары утары охсуһар сулууспатын этэрээтин каадыр уонна иитии үлэтин салаатын инспектора.

Лев Павлов үс инилээх уонна биир балтылаах. Уолаттар көҥүл тустуунан, кыыс үҥкүүнэн дьарыктаналлар[2].

Быһаарыылар

  1. ↑ Приказ "О присвоении спортивного звания «Мастер спорта России»". Сигэнии күнэ: 11 Сэтинньи 2025.
  2. ↑ 1 2 Триумф Льва Павлова на первенстве Европы. Родители спортсмена поделились секретами воспитания чемпиона. Якутия24 (10 Кулун тутар 2025). Сигэнии күнэ: 11 Сэтинньи 2025.
  3. ↑ Лев Павлов: во взрослой борьбе я еще только осваиваюсь, но мечтаю выступить на Олимпиаде в Лос-Анджелесе. https://sportyakutia.ru. Сигэнии күнэ: 13 Сэтинньи 2025.
  4. ↑ Айсен Николаев: «Лев Павлов — надежда и будущее якутской борьбы». https://sportyakutia.ru. Сигэнии күнэ: 13 Сэтинньи 2025.
  5. ↑ «Бороться как лев»: чемпиона первенства Европы Льва Павлова чествовали в Минспорте Якутии. https://ysia.ru. ЯСИА. Сигэнии күнэ: 13 Сэтинньи 2025.
  6. ↑ Лев Павлов стал призером турнира братьев Хадарцевых. https://ysia.ru. ЯСИА. Сигэнии күнэ: 13 Сэтинньи 2025.
  7. ↑ Лев Павлов выиграл первенство Европы U-23. https://sportyakutia.ru (10 Кулун тутар 2025). Сигэнии күнэ: 11 Сэтинньи 2025.

Сигэлэр

Категориялар