Нуучча тылынанАнал бырайыактар
Тылы уларыт
УРУБИИКИ ТУҺУНАН

Охлопков Михаил Егорович

Охло́пков Михаи́л Его́рович (1969 сыл алтынньы 19 күнэ, Байаҕантай (Томпо), Саха АССР) — арассыыйа судаарыстыбаннай диэйэтэлэ, Карелия бырабыыталыстыбатын чилиэнэ — Карелия өрөспүүбүлүкэтин доруобуйа харыстабылын миниистирэ (2018 с.). Мэдиссиинэ билимин хандьыдаата (2002)[2].

Олоҕун олуктара

Алтынньы 19 күнүгэр 1969 сыллаахха Саха АССР Томпо оройуонун Кириэс-Халдьаайы (Байаҕантай) нэһилиэгэр төрөөбүтэ. Аҕата оҕо эрдэҕинэ ыарахан ыарыыттан өлбүтэ, ийэтэ ииппитэ[3].

1994 с. Саха государственнай университетын медицинскэй институтун «Лечебное дело» идэтигэр, 1995 с. — өрөспүүбүүкэтээҕи оҕо балыыһатыгар «Оҕо хирургията» идэтигэр интернатураны бүтэрбитэ. Ийэ уонна оҕо харыстабылын Киинигэр хирург-бырааһынан оҕо хирургическай отделениетыгар үлэҕэ ыҥырыллыбыта. Наставнига Валентин Николаев салалтатынан Михаил Охлопков уустук эпэрээссийэлэри толороро уонна сотору кэминэн төрүөҕүнэн сайдыы итэҕэстэригэр реконструктивнай эпэрээссийэлэр таһымнарыгар тахсыбыта.

Охлопков медицинскэй институт үһүс кууруһугар үөрэнэ сылдьан Сэбиэскэй Аармыйа кэккэтигэр ыҥырыллыбыта, Монголияҕа танковай сэриилэргэ сулууспалаабыта, «Т-72» ыарахан танка хамандыыра буолбута. Сулууспатын кэнниттэн үөрэҕин салҕаабыта.

1997 сыллаахха Томскай куоракка Сибиирдээҕи судаарыстыбаннай мэдиссиинэ институтугар «Оҕо хирургиятын» идэтигэр клиническэй ординатураны бүтэрэн Саха сиригэр төннүбүт. Охлопков оһоҕоско, оһоҕос уорганнарыгар уонна куолай аномалияларыгар ордук уустук операциялары тохтоло суох барар конвейер тиһигэр туруорбута. Кини ситиһиилээх операцияларын уопута саха хирурдарын авторскай методикаларын төрүттээбитэ, Михаил Охлопков бэйэтигэр эрэ буолбакка, кини коллегаларын научнай үлэлэригэр акылаат буолбута[4].

2002 с. Москваҕа Арассыыйатааҕытааҕы диплом кэнниттэн үөрэхтээһин медицинскэй академиятыгар «Оҕо хирургията» идэтигэр медицинскэй наука хандьыдаатын диссертациятын көмүскээбитэ. 2013 сыллаахха Арассыыйа Бэдэрээссийэтин Бэрэсидьиэнин иһинэн норуот хаһаайыстыбатын уонна судаарыстыбаннай сулууспа академиятыгар доруобуйа харыстабылын тэрийиигэ куурустары ааспыта[5].

Карьерата

Институт бастакы куурустарыгар Михаил Охлопков санитарынан, онтон медбратынан үлэлээбитэ. 1997 сылтан 1998 сылга диэри Саха Өрөспүүбүлүкэтин мэдиссиинэ Национальнай киинин педиатрия клиникатын оҕо хирургиятын отделениетыгар хирург-бырааһынан үлэлээбитэ. Аспирантураны бүтэрэн баран оҕо хирурунан (2002—2007), онтон педиатрическай киин оҕо хирургиятын отделениетын сэбиэдиссэйинэн үлэлээбитэ (2007—2012).

2012—2016 сылларга Томпо киин балыыһатын кылаабынай бырааһа[6].

2016 сыллаахха кулун тутар 14 күнүттэн 2018 сыл алтынньы 23 күнүгэр диэри Саха Өрөспүүбүлүкэтин Доруобуйа харыстабылын министиэристибэтин салайбыта.

2018 сыллаахха ахсынньы 6 күнүгэр Охлопков Карелия Өрөспүүбүлүкэтин Доруобуйа харыстабылын миниистиринэн анаммыта[7].

2023 сыллаахха Арассыыйа Запорожье уобалаһыгар Васильевкаҕа гуманитарнай миссиялаах тиийэ сылдьыбыта, балыыһа үлэтин олохтуурга, олохтоох дьонтон кыра уонна орто медицинскэй персоналы хааччыйарга көмөлөспүтэ, Бастакы медицинскэй-санитарнай көмө киинигэр быраас консультациятын тэрийбитэ, ыарыһахтартан биирдэстэригэр эпэрээссийэ ыыппыта[8][9]/

Охлопков — оҕо хирургиятын уонна доруобуйа харыстабылын уонна уопсатыбаннай доруобуйаны тэрийиигэ үрдүк квалификациялаах категориялаах специалист. Саха Өрөспүүбүлүкэтин салайар кадрдарын резервэтигэр баар[10].

Коммуналкаҕа иэс

2024 сыллаахха «Единая Карельская сбытовая компания» коммуналкаҕа иэһин иһин Карелия доруобуйа харыстабылын миниистирин Михаил Охлопкову суукка биэрбитэ. Олорор дьиэ уонна коммунальнай төлөбүрдэр, итии уонна электроэнергия иһин төлөбүрү төлөөһүн туһунан ирдэбил Петрозаводскайдааҕы куорат суутугар көрүллүбүтэ. Миниистир этэринэн, уоту төлөбүрэ олоҕо суох үрдээн кэлбит. Бу быһыылаан быһаарыллыбытын кэннэ иэс төлөммүт[11][12].

Дьиэ кэргэнэ

Михаил Охлопков кэргэннээх, түөрт оҕолоох: кыыс уонна үс уол.

Карелияҕа үлэҕэ көһөргө быһаарыммытыгар улахан кыыһа кыра уолунуун кинилиин барсыбыттара. Кэргэнэ, оҕо кардиохирургия отделениетын старшай медсестрата, икки уолун кытта Саха сиригэр хаалбыта[13]. 2025 сыл туругунан Охлопков дьиэ кэргэнэ бары Петрозаводскай куоракка олороллор[6].

Наҕараадалара уонна бочуоттаах ааттара

  • «СТ-1-НМК 2007 с. Бастыҥ бырааһа» номинацияҕа биэдэмистибэ куонкуруһун кыайыылааҕа;
  • «Сыл Бастыҥ бырааһа — 2008» өрөспүүбүлүкэтээҕи көрэх кыайыылааҕа;
  • «Саха Өрөспүүбүлүкэтин Доруобуйа харыстабылын туйгуна»;
  • Карелия бырабыыталыстыбатын бочуоттаах грамотата[14];
  • «Карелия Өрөспүүбүлүкэтин иннигэр өҥөлөрүн иһин» мэтээл (2022)[15].

Иллэҥ кэмигэр дьарыга

Иллэҥ кэмигэр Михаил Охлопков музыканы истэр, ордук рэп. Йога элэмиэннээх спордунан дьарыктанар[6].

Быһаарыылар

  1. ↑ Охлопков Михаил Егорович (рус.). gov.karelia.ru. Сигэнии күнэ: 14 Кулун тутар 2026.
  2. ↑ Михаил Охлопков. Министр здравоохранения Республики Саха (Якутия) (рус.). roscongress.org. Сигэнии күнэ: 14 Кулун тутар 2026.
  3. ↑ Михаил Егорович Охлопков (рус.) (20 Алтынньы 2019). Сигэнии күнэ: 14 Кулун тутар 2026.
  4. ↑ Охлопков Михаил Егорович (рус.). fedpress.ru. Сигэнии күнэ: 14 Кулун тутар 2026.
  5. ↑ Охлопков Михаил Егорович (рус.). nlrs.ru. Сигэнии күнэ: 14 Кулун тутар 2026.
  6. ↑ 1 2 3 "Мне не хотелось работать в новой губернаторской команде в Якутии" (рус.). sakhaday.ru. Сигэнии күнэ: 14 Кулун тутар 2026.
  7. ↑ Назначен новый министр здравоохранения Карелии (рус.). karelinform.ru (6 Ахсынньы 2018). Сигэнии күнэ: 14 Кулун тутар 2026.
  8. ↑ Глава Минздрава Карелии Михаил Охлопков прооперировал ребенка в Запорожской области (рус.). karel.mk.ru (25 Сэтинньи 2023). Сигэнии күнэ: 14 Кулун тутар 2026.
  9. ↑ "Мы научимся его побеждать" (рус.). stolicaonego.ru. Сигэнии күнэ: 20 Кулун тутар 2026.
  10. ↑ Министр здравоохранения Республики Саха (Якутия) (рус.). medvestnik.ru. Сигэнии күнэ: 14 Кулун тутар 2026.
  11. ↑ Министр здравоохранения Карелии задолжал за коммуналку (рус.). petrozavodsk.bezformata.com (28 От ыйын 2024). Сигэнии күнэ: 14 Кулун тутар 2026.
  12. ↑ «Получили завышенный счет». Глава Минздрава Карелии уверяет, что оплатил долг за коммуналку (рус.). gubdaily.ru (28 От ыйын 2024). Сигэнии күнэ: 14 Кулун тутар 2026.
  13. ↑ Мария Лукьянова. Михаил Охлопков: «За каждым вопросом — жизнь человека» (рус.). rk.karelia.ru (28 Ахсынньы 2019). Сигэнии күнэ: 14 Кулун тутар 2026.
  14. ↑ Почетную грамоту правительства Карелии министру здравоохранения вручил Артур Парфенчиков (рус.). rk.karelia.ru (23 Атырдьах ыйын 2021). Сигэнии күнэ: 14 Кулун тутар 2026.
  15. ↑ За что высоко ценят известного якутянина в Карелии (рус.). 1sn.ru (23 Ыам ыйын 2022). Сигэнии күнэ: 14 Кулун тутар 2026.

Сигэлэр

Категориялар