Нуучча тылынанАнал бырайыактар
Тылы уларыт
УРУБИИКИ ТУҺУНАН

Оросин Константин Григорьевич

Оросин Константин Григорьевич (1853, Игидэй нэһилиэгэ, Саха уобалаһа — 1903) — олоҥхоһут.

Олоҕун олуктара

Боотур Уус улууһун Бастакы Игидэй нэһилиэгэр 1853 сыллаахха баай ыалга төрөөбүтэ.

Төрөппүттэрэ аатырбыт олоҥхоһуттары ыҥыраллара, ол иһин эдэр сааһыттан ыллыыр-туойар буолбута.

Кэргэннэнэн баран «Наммара» үрэххэ олохсуйбута. Кини дьиэтигэр ырыаһыттар мэлдьи мунньусталлара.

Кини доҕотторунан биллэр дьоннор этилэр: протоиерей Д. Д. Попов, көскө олорооччулар Э. К. Пекарскай, В. М. Ионов, Н. А. Виташевскай, В. Ф. Трощанскай.

Ити дьоннор сабыдыалларынан үөрэхтэммит, фольклору хомуйааччы буолбут.

Э. К. Пекарскай бэлэхтээбит тэтэрээтигэр «Дьулуруйар Ньургун Боотур» олоҥхону суруйбута. 1947 сыллаахха Контсантин Оросин олоҥхотун тиэкиһин Г. У. Эргис нуучча тылыгар тылбаастаан, туспа кинигэ гынан таһаарбыта. Ол кэнниттэн бу айымньы сэбиэскэй уонна тас дойду эпосоведтарын чинчийэр үлэлэрин объектынан буолбута. Кэлин олоҥхо тиэкиһин Жак Карро француз тылыгар тылбаастаабыта[1].

Айымньылара

  • Образцы народной дитературы якутов, собранные Э. К. Пекарским. — СПб, 1907.
  • Ньургун Боотур Стремительный. Текст К. Г. Оросина. Вводная статья, перевод и комментарии Г. У. Эргиса. — Якутск, 1947.
  • Саха фольклора. Хрестоматия. — Якутск, 1970.

Быһаарыылар

  1. ↑ Оросина Надежда Анатольевна. Собирательная деятельность таттинской интеллигенции по фольклору в конце XIX века (по материалам Санкт-Петербургского филиала архива РАН) // Вестник Северо-Восточного федерального университета им. М. К. Аммосова. — 2013. — № 3.

Сигэлэр

  • «Энциклопедия Якутии». — Якутск, 2000.
  • Эргис Г. У. Очерки по якутскому фольклору. М., 1974.

Категориялар