Оллонов Федор Данилович
Оллонов Федор Данилович (1902, Түүлээх нэһилиэгэ, Саха уобалаһа — 1980) — Аҕа дойду Улуу сэриитин кыттыылааҕа. Уус Алдан улууһун Түүлээх нэһилиэгиттэн сэриигэ сылдьыбыт бииргэ төрөөбүт түөрт бырааттыы Оллооноптортон биирдэстэрэ.
Олоҕун олуктара
Федор Оллонов 1900 сыллаахха Түүлээх нэhилиэгэр төрөөбүтэ.
Ликбезы бүтэрбитэ. «Кылаайы» холкуос бэрэссэдээтэлинэн, Бээрийэ нэһилиэгин Наспотын бэрэссэдээтэлинэн, суол үлэтигэр биригэдьииринэн үлэлээбитэ. 1942 сыллаахха бэс ыйын 23 күнүгэр Чурапчытааҕы РВК Кыһыл Аармыйаҕа ыҥырбыта. Ураллааҕы байыаннай уокурукка Челябинскай уобалаһын Чебаркуль станциятыгар бэлэмнэниини ааспыта. Сыбаанньата — рядовой.
Ленинград блокадатын босхолооһун иһин бастакы кыргыһыыларын Ленинградскай фронт састаабыгар киирэн ааспыта. Федор сүүстэн тахса бааһырыылаах саллааты кыргыһыы хонуутуттан таһаарбыта уонна бэйэтэ ыараханнык бааһырбыта. 1943 сыллаахха бэс ыйыгар сэрииттэн 1-кы бөлөхтөөх инбэлиит буолан төннүбүтэ. Сэрии кэнниттэн Федор Данилович олохтоох ааҕар саала сэбиэдиссэйинэн, оҕуруот аһын үүннэриигэ биригэдьииринэн, муоста тутуутун маастарынан үлэлээбитэ, рационализаторскай үлэнэн дьарыктаммыта.
1980 сыллаахха өлбүтэ[1].
Наҕараадалара
- Аҕа дойду Улуу сэриитин II истиэпэннээх уордьана;
- «Германияны кыайыы иhин» мэтээл.
Дьиэ кэргэнэ
Бииргэ төрөөбүттэрэ
- Оллонов Дмитрий Данилович (1907—1983)
- Оллонов Прокопий Данилович (1919—1942)
- Оллонов Николай Данилович (1912—1986)
- Оллонов Гаврил Данилович (1903—1975)