Оллонов Николай Данилович
Оллонов Николай Данилович (1912, Кылаайы, Саха уобалаһа — 1986) — Уус Алдан улууһун Түүлээх нэһилиэгиттэн сэриигэ сылдьыбыт бииргэ төрөөбүт түөрт бырааттыы Оллооноптортон биирдэстэрэ.
Олоҕун олуктара
Николай Оллонов 1912 сыллаахха Кылаайыга төрөөбүтэ. Түүлээх оскуолатын төрдүс кылааһын бүтэрбитэ.
1942 сыл бэс ыйын 27 күнүгэр Чурапчы военкоматынан аармыйаҕа ыҥырыллыбыта. Ураллааҕы байыаннай уокурукка Челябинскай куоракка Чебаркуль станцияҕа аҕыйах хонуктаах сборга сылдьыы кэнниттэн, Хотугулуу-Арҕааҥҥы Волховскай туһаайыытынан 2-с ударнай аармыйа састаабыгар Ленинградскай фроҥҥа 1942 сыл алтынньы бүтүүтүттэн 1944 сыл тохсунньу 26 күнүгэр диэри Ленинграды босхолооһуҥҥа сэриилэспитэ. Новгород туһаайыытынан өстөөххө охсуу оҥоһуллубута. Кенигсбергы босхолоспута.
Дойдутугар 1945 сыл балаҕан ыйын 24 күнүгэр төннүбүтэ. Колхозка хонууга үлэлээбитэ. Бороҕоҥҥо киирэн олохсуйбута. Райсовекка ohox оттооччунан, харабылынан үлэлээбитэ.
1986 сыллаахха өлбүтэ[1].
Наҕараадалара
- Аҕа дойду Улуу сэриитин I истиэпэннээх уордьана;
- Албан аат III истиэпэннээх уордьана;
- «Ленинград обороната» мэтээл;
- «Германияны кыайыы иhин» мэтээл.