Новгородова Екатерина Иннокентьевна

1929 сыллаахха муус устар 13 күнүгэр Чурапчы улууһун Кытаанах сэлиэнньэтигэр бааһынай дьиэ кэргэнигэр төрөөбүт. Оҕо сааһыттан колхозка үлэлээбит.

1948 сыллаахха Кытаанах нэһилиэгин Сүбэтин секретарынан анаммыта, ол кэннэ — Чурапчы райсоветын инструкторынан.

1955 сыллаахха салайар кадрдар Дьокуускайдааҕы тыа хаһаайыстыбатын оскуолаларын бүтэрэн, агроном идэлэммитэ. Чурапчы улууһугар комплекснай биригээдэ биригэдьииринэн үлэлээбит.

1957 сылтан — Мэҥэ-Хаҥалас улууһун Ленин аатынан колхуоһун младшай агронома^[1].

30 сыл оҕуруот аһын үүннэрэр биригээдэни салайбыт.

ССРС Үрдүкү Сүбэтин Президиумун 1973 сыл ахсынньы 11 күнүнээҕи Ыйааҕынан оҕуруот аһын үүннэриигэ үрдүк көрдөрүүлэрин иһин Мэҥэ-Хаҥалас оройуонун Ленин аатынан совхоз оҕуруот аһын үүннэрэр биригээдэ биригэдьииригэр Новгородова Екатерина Иннокентьевнаҕа Социалистыы Үлэ Дьоруойун үрдүк аата иҥэриллибит^[2].

ССРС Үрдүкү Сүбэтин VIII, IX, X, XI ыҥырыыларын депутата (1970—1989)^[3].

1992 сыллаахха пенсияҕа тахсыар диэри биригэдьииринэн салгыы үлэлээбит^[1].

Кэнники сылларга Дьокуускайга олорбут.

2024 сыллаахха олунньу 25 күнүгэр олохтон туораабыт^[4].

• Үлэ Кыһыл Знамятын уордьана (1966);
• Социалистыы Үлэ Дьоруойа (1973);
• Ленин Уордьана (1973);
• «Сиэрпэ уонна балта» кыһыл көмүс мэтээл (1973);
• Өктөөп Өрөбөлүүссүйэтин уордьана (1982)
• Аркадий Гайдар аатынан ВЛКСМ КК бэлиэтэ^[1];
• Мэҥэ Хаҥалас улууһун ытык киһитэ (1987)^[5];
• Арассыыйа Федерациятын үтүөлээх агронома;
• РСФСР норуотун үөрэҕириитин туйгуна^[1];
• Саха Өрөспүүбүлүкэтин ытык киһитэ^[6] (1999);
• Чурапчы улууһун ытык киһитэ (1999)^[7];
• Хаптаҕай нэһилиэгин ытык киһитэ^[1].

• Е. И. Новгородова аата Дьокуускайга Саха сирин тыа хаһаайыстыбатын министерствотын дьиэтин эркинигэр туруоруллубут өйдөбүнньүк билиитэҕэ суруллубут (2012)^[8];
• 2021 сыллаахха АЛРОСА «Заполярная» туруупкаттан хостообут 62,60 караттаах алмааһыгар Е. И. Новгородова аата иҥэриллибит^[9].