Нуучча тылынанАнал бырайыактар
Тылы уларыт
УРУБИИКИ ТУҺУНАН

Мыреев Егор Иванович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Мыреев.

Мыреев Егор Иванович (1920, Бэтинчэ, Ленскэй улууһа, Саха уобалаһа — 10.02.1942) — Аҕа дойду Улуу сэриитин кыттыылааҕа, 213-с СП (56-с СД) бэргэн ытааччыта. Кыдыйбыт өстөөх саллааттарын ахсаана, бигэргэтиллибитинэн, — 65[1]. Старшай сержант.

Олоҕун олуктара

1920 сыллаахха Бэтинчэҕэ төрөөбүт. 1937 сыллаахха толорута суох орто оскуоланы бүтэрбит.

Оскуола кэнниттэн Дьокуускайга балык техникумугар үөрэнэ киирбит. Техникумҥа үөрэнэ сылдьан, "Ворошилов бэргэн ытааччытын" нуорматын толорбут, үөрэх кыһатын үрдүнэн бастыҥ ытааччы буолбут[2].

Доҕотторун сүбэлэринэн, Саха театр иһинэн студияҕа дьарыктаммыт, онон 1940 сыл сайыныгар театр салалтата кинини А. Н. Островскай аатынан Ленинградтааҕы театральнай институтка үөрэттэрэ ыыппыт. Ленинградка 1940 сыл күһүнүгэр тиийэн, Е. К. Лепковскаяҕа, А. И. Авербухха, Л. Ф. Макаровка о. д. а. үөрэммит[3].

1941 сыл от ыйыгар Ленинград уобалаһын Дзержинскэй оройуонун военкоматынан Кыһыл Аармыйаҕа ыҥырыллыбыт. От ыйын 12 күнүттэн Порхов-Псков туһайыы диэки, Пулково анныгар кыргыһыыларга кыттыбыт. Бэргэн ытааччылар ыккардыларыгар куоталаһыы хамсааһынын биир саҕалааччылара буолбута. Бөлөх тэрийэн бэргэн ытааччылары үөрэппит. 1941 сыл ахсынньытыгар киниэхэ үөрүүлээх быһыыга-майгыга оптическай прицеллаах снайпер бинтиэпкэтин туттарбыттар[2].

1942 сыллаахха олунньу 10 күнүгэр[4] (Донесение докумуонунан, 1942 сыл олунньу 12 күнүгэр[5]) Ижорскай завод көмүскээһинигэр Колпино куорат таһыгар өлбүт[4].

Колпино (Ленинград уобалаһа) кылабыыһатыгар көмүллүбүт[5].

Өлбүтүн кэннэ, 1942 сыл олунньу 22 күнүнээҕи бирикээһинэн, Кыһыл Сулус уордьанынан наҕараадаламмыт (наҕараада лииһигэр олоҕуран, Ленин уордьаныгар түһэриллибит)[6].

Аатын үйэтитии

  • Егор Мыреев аата Бэтинчэ оскуолатыгар, уулуссатыгар иҥэриллибит[7];
  • Колпино куоракка (Ленинград уобалаһа) обелиск туруоруллубут, Ленинград көмүскэлигэр өлбүт байыастар ааттара көмүс бичигинэн быһыллыбыт, олор быыстарыгар Егор Мыреев аата баар[7];
  • Бэтинчэ ытык киһитэ[8];
  • Лиэнскэй оройуонугар сыл аайы Егор Мыреев кэриэһигэр хайыһар күрэҕэ ыытыллар[2];
  • «Якутия: самое первое, самое-самое» диэн Саха Өрөспүүбүлүкэтин рекордун кинигэтигэр Егор Мыреев саха сирин бастакы снайпера диэн ааттаммыт[4].

Быһаарыылар

  1. ↑ Советские стрелки-снайперы в Великой Отечественной войне (рус.). Сигэнии күнэ: 4 Кулун тутар 2026.
  2. ↑ 1 2 3 Мыреев Егор Иванович - Советские снайперы 1941-1945 гг. soviet-aces-1936-53.ru. Сигэнии күнэ: 3 Кулун тутар 2026.
  3. ↑ SakhaPress.Ru: Его именем названа школа: Легендарный снайпер Егор Мыреев. Сигэнии күнэ: 3 Кулун тутар 2026. Архивировано 6 Кулун тутар 2016 года.
  4. ↑ 1 2 3 Такая короткая жизнь Егора Мыреева. Сигэнии күнэ: 3 Кулун тутар 2026.
  5. ↑ 1 2 Информация из донесения о безвозвратных потерях - Мыреев Егор Иванович. ОБД. Сигэнии күнэ: 3 Кулун тутар 2026.
  6. ↑ Мыреев Егор Иванович 1920 г.р. Подвиг народа. Сигэнии күнэ: 3 Кулун тутар 2026.
  7. ↑ 1 2 SakhaPress.Ru: Его именем названа школа: Легендарный снайпер Егор Мыреев (окончание). Сигэнии күнэ: 3 Кулун тутар 2026. Архивировано 7 Кулун тутар 2016 года.
  8. ↑ Почётные граждане с. Беченча. Сигэнии күнэ: 3 Кулун тутар 2026.

Категориялар