Нуучча тылынанАнал бырайыактар
Тылы уларыт
УРУБИИКИ ТУҺУНАН

Мичил (аат)

Мичил (нууч. Мичил) — сахалыы уол, эр киһи аата.

Суолтата

Багдарыын Сүлбэ быһаарыытынан, Мичил — былыргы аат. «Мичил» диэн тылтан үөскээбит, «үөрбүт-көппүт сирэйдээх» диэн суолталаах[1].

Саха тылын быһаарыылаах улахан тылдьытыгар «Мичил» диэн тыл сүрүн өйдөбүлэ «Киһи сирэйигэр-хараҕыгар көстөр үөрүү, дуоһуйуу бэлиэтэ» (нууч. радостная улыбка) диэн. Ону кытта, «Айхал-мичил!» диэн сиэргэ-туомҥа туттуллар үөрүүнү биллэрэр саҥа аллайыы иккис аҥара.

Үөскээһинэ

Саха тылын быһаарыылаах улахан тылдьытын VI томугар (Л-Н) мичээр диэн тыл (мичил диэн тыл атын көрүҥэ) бүрээттии миширхилэл, мандьуурдуу миосири (нууч. улыбка) диэн тыллартан үөскээбитэ ыйыллар[2].

Ону кытта, монгуоллуу мишээх диэн тыл мичээр диэн тылбаастанар.

Тарҕаныыта

Тыл үөрэхтээҕэ Алена Иванова 2019—2021 сылларга ыыппыт чинчийиитин түмүгүнэн, 4200-тэн тахса сахалыы ааттаах дьон быыһыгар Мичил диэн эр киһи аата (Айаал, Айтал уонна Сандал диэн ааттары кытта) ордук тарҕаммыт ааттар тиһиктэригэр киирбит[3].

Гражданскай турук аакталарын суруйуу (нууч.) (сах. Дьаһалтата биллэрбитинэн, 2021 сыл түмүгүнэн Мичил диэн аат Саха сиригэр саҥа төрөөбүт уолаттарга ордук элбэхтик бэриллэр ааттар тиһиктэригэр киирбит (Арылхан, Айтал, Эркин, Дархан, Эрхаан, Арчын, Айсен, Айаал, Дуолан, Эрчим диэн ааттары кытта)[4].

Аат дьахтарга иҥэриллэр көрүҥэ — Мичилиинэ (Мичилина), Мичилийэ.

Атын омуктарга

Бүрээттэргэ уонна монгуолларга Мишээл диэн аат баар[5][6].

Биллэр дьон

  • Мичил Мекумянов — муусукаан, композитор, Elements of Dust бөлөх тэрийээччитэ уонна салайааччыта[7].

Быһаарыылар

  1. ↑ Багдарыын Сүлбэ, 2011, с. 89
  2. ↑ Саха тылын быһаарыылаах улахан тылдьыта Л-Н (VI) (Слепцов П.А.) (рус.). SakhaTyla.Ru - Якутский словарь. Сигэнии күнэ: 13 Атырдьах ыйын 2026.
  3. ↑ В Якутии детям все чаще дают имена, связанные с национальными корнями. ИА Sakhanews. Сигэнии күнэ: 13 Атырдьах ыйын 2026.
  4. ↑ ЯСИА. Названы самые редкие и популярные якутские имена 2021 года. Сигэнии күнэ: 13 Атырдьах ыйын 2026.
  5. ↑ Имя Мишээл на Имя.Ком. Значение имени Мишээл. imya.com. Сигэнии күнэ: 13 Атырдьах ыйын 2026.
  6. ↑ Личные имена монголов и бурят. Сигэнии күнэ: 13 Атырдьах ыйын 2026.
  7. ↑ Мичил Мекумянов. Кино-Театр.Ру. Сигэнии күнэ: 13 Атырдьах ыйын 2026.

Литература

  • Багдарыын Сүлбэ Аатта тал. — Дьокуускай: Бичик, 2011. — 96 с.

Категориялар

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».