Нуучча тылынанАнал бырайыактар
Тылы уларыт
УРУБИИКИ ТУҺУНАН

Лазарев Айаал

УРУБИИКИ иһигэр маннык араспаанньалаах дьон туһунан ыстатыйалар бааллар, көр Лазарев.

Айаал Петрович Лазарев (1986 сыл кулун тутар 19 күнэ, Үөһээ Бүлүү, Саха АССР) — Арассыыйа уонна Кыргыстаан ыарахан ыйааһыҥҥа тустар көҥүл истииллээх тустууга. Азия чөмпүйүөнээттэрин кыайыылааҕа уонна хас да төгүллээх призера, Аан дойду Кубогын призера, үс Олимпиада кыттыылааҕа (2016, 2020, 2024). Азия оонньууларын боруонса призера (2023). Кыргызстан успуордун үтүөлээх маастара (2023).

Олоҕун олуктара

1986 сыллаахха кулун тутар 19 күнүгэр Үөһээ Бүлүү улууһун Үөһээ Бүлүү сэлиэнньэтигэр ИДьМ үлэһиттэрин дьиэ кэргэннэригэр төрөөбүтэ.

Кыра эрдэҕинэ аҕатын сулууспатынан сибээстээн элбэхтик көһөн, Аммаҕа, Чокурдаахха, Мархаҕа олорон баран бүтэһигин Дьокуускайга олохсуйбуттар. 2003 сыллаахха М. И. Кершенгольц аатынан 9 №-дээх орто оскуоланы бүтэрбитэ[2][3].

Успуорка карьерата

Алтыс кылааска Иннокентий Кочкин диэн тириэньэр салалтатынан успуордунан дьарыктанар буолбут. Тохсус кылааска М. К. Аммосов аатынан ХИФУ (уруккута Саха судаарыстыбаннай университета) иһинэн баар 5-с №-дээх Оҕо спортивнай оскуолатыгар Николай Рожин уонна Василий Уваров диэн тириэньэрдэргэ көспүт[4].

2004 сыллаахха Дьокуускайга «Азия оҕолоро» III норуоттар икки ардыларынааҕы успуорт оонньууларыгар дебюттаан, боруонса мэтээли ылбыт[5].

2008 сылтан ыарахан ыйааһыннаах бөҕөстөрү бэлэмниир Иван Сивцевкэ эрчиллэр буолбут. Ити сыл устудьуоннар ортолоругар Арассыыйа чөмпүйэнээтигэр кыайбыт[6].

2015 сыллаахха успуорка гражданствотын кыргызскайга уларыппыт уонна ол кэмтэн Кыргызстан былааҕынан күрэхтэспит[7]. Ити сыл Дохаҕа (Катар) Азия чөмпүйүөнүн титулун ылбыт[3].

Олимпиада кыттыылааҕа

Олимпиада оонньууларыгар үстэ кыттыбыта:

  • 2016, Рио-де-Жанейро — бастакы хапсыһыытыгар Польша бөҕөһө Роберт Бараҥҥа хотторон, 15-с миэстэни ылбыта;
  • 2020, Токио — 16-с миэстэ[8];
  • 2024, Париж — боруонса мэтээл иһин түмүктээх хапсыһыыга Турция бөҕөһө Таха Акгюлюга хотторон, уопсай түмүккэ бэһис миэстэ буолбута. Бу хапсыһыы кэнниттэн, 2024 сыл атырдьах ыйын 11 күнүгэр, көҥүл тустууга карьератын түмүктүүрүн туһунан официальнайдык биллэрбитэ, спортан барарын бэлиэтээн көбүөр үрдүгэр тустар атаҕын таҥаһын устубута[9][10].

Атын ситиһиилэрэ

  • Устудьуоннар ортолоругар Арассыыйа чөмпүйүөнэ (2008);
  • Аан дойду Кубогын боруонса призера (2020);
  • Азия чөмпүйүөнэ (2015);
  • Азия чөмпүйэнээтин үрүҥ көмүс призера (2021);
  • Азия чөмпүйэнээттэрин боруонса призера (2010, 2013, 2016);
  • Кыргызстан чөмпүйүөнэ (2011, 2015, 2020);
  • Азия оонньуулара: боруонса призер (2023)[2][3].

Успуорт атын көрүҥнэригэр

2025 сыл ыам ыйыгар Калифорнияҕа (АХШ) Hard Fought Championships (HFC) турнирга булкаас единоборстволарга (ММА) дебюттаабыта, Майк Моралеһы техническэй нокаутунан кыайбыта[11].

2026 сыл муус устар ыйыгар Дьокуускай куоракка «Битва за контракт» диэн бокса турнирыгар кыттыбыта, Москва боксерын Игорь Зайцевы нокауттаан кыайбыта[12].

Наҕараадалара уонна ытык ааттара

  • Көҥүл тустууга норуоттар икки ардыларынааҕы кылаастаах успуорт маастара;
  • Хапсаҕайга Саха Өрөспүүбүлүкэтин успуордун маастара[3];
  • Кыргызстан үтүөлээх успуорт маастара (2023)[13];
  • 2024 сыллаахха Кыргызстан Өрөспүүбүлүкэтин Бочуотунай грамотатынан наҕараадаламмыт[14].

Дьиэ кэргэнэ

  • Аҕата — Пётр Васильевич Лазарев, ис дьыала уорганнарыгар сулууспалаабыт, кэлин судьуйанан үлэлээбит;
  • Ийэтэ — Анна Сергеевна Лазарева, идэтинэн физика учуутала, ону тэҥэ Ис дьыала министиэристибэтигэр подполковник чыыннаах сулууспалаабыт;
  • Убайа — Нюргун Петрович Лазарев, Арассыыйа көҥүл тустууга успуорт маастарыгар хандьыдаат, физика-математика билимин дуоктара;
  • Балта — Лазарева Анна Петровна, юрист;
  • Кэргэнэ суох[3].

Быһаарыылар

  1. ↑ Ayaal Lazarev // https://www.olympedia.org/athletes/134913
  2. ↑ 1 2 Борец Айаал Лазарев выйдет на ковер Олимпийских игр. Сигэнии күнэ: 5 Атырдьах ыйын 2026.
  3. ↑ 1 2 3 4 5 Айаал Лазарев: «Спорт проверяет тебя на прочность» — Персональный сайт Владислава Коротова(биллибэт). sakha-korotov.ru. Сигэнии күнэ: 5 Атырдьах ыйын 2026.
  4. ↑ YakutiaMedia.ru. Айаал Лазарев о спорте, мечтах и девушках - YakutiaMedia.ru. Сигэнии күнэ: 5 Атырдьах ыйын 2026.
  5. ↑ Айаал Лазарев: «Дети Азии» дали мне уверенность в том, что я могу выигрывать сильных соперников» (рус.). ЯСИА (27 Ыам ыйын 2024). Сигэнии күнэ: 5 Атырдьах ыйын 2026.
  6. ↑ Айаал Лазарев: тяжелейшая работа не прошла даром — Yakutia-daily.ru, Yakutia-Daily.ru — свежие новости Якутии и Якутска – все важное и интересное (9 Алтынньы 2023). Сигэнии күнэ: 5 Атырдьах ыйын 2026.
  7. ↑ Борец из Кыргызстана Айаал Лазарев завершил спортивную карьеру - Новости Кыргызстана. Сигэнии күнэ: 5 Атырдьах ыйын 2026.
  8. ↑ IOC. Aiaal LAZAREV, Olympics.com. Сигэнии күнэ: 5 Атырдьах ыйын 2026.
  9. ↑ LAZAREV Aiaal profile page (англ.). cms.kube.uww.org. Сигэнии күнэ: 5 Атырдьах ыйын 2026.
  10. ↑ Valeriya. Завершились Олимпийские игры 2024 года, которые собрали сильнейших атлетов планеты. Впервые в истории на них приняли участие сразу пять спортсменов из нашей республики(биллибэт). csp-sakha.ru. Сигэнии күнэ: 5 Атырдьах ыйын 2026.
  11. ↑ Айаал Лазарев дебютировал в ММА техническим нокаутом (рус.). Ulus.Media (4 Ыам ыйын 2025). Сигэнии күнэ: 5 Атырдьах ыйын 2026.
  12. ↑ Якутский борец Айаал Лазарев нокаутировал соперника — ЯСИА, Новости Якутии и Якутска — свежие новости онлайн на сайте ysia.ru — ЯСИА (24 Муус устар 2026). Сигэнии күнэ: 5 Атырдьах ыйын 2026.
  13. ↑ Айаал Лазарев стал заслуженным мастером спорта Кыргызстана (рус.). БезФормата (16 Атырдьах ыйын 2023). Сигэнии күнэ: 5 Атырдьах ыйын 2026.
  14. ↑ Список спортсменов и тренеров, получивших госнаграды (рус.). Prosports. Сигэнии күнэ: 5 Атырдьах ыйын 2026.

Категориялар