Нуучча тылынанАнал бырайыактар
Тылы уларыт
УРУБИИКИ ТУҺУНАН

Кычкина-Борисова Альбина Михайловна

Кычкина-Борисова Альбина Михайловна (төр. 1957 сыл атырдьах ыйын 6 күнэ, Нөөрүктээйи) — сэбиэскэй уонна Арассыыйа опера ырыаһыта (колоратурнай сопрано).

Арассыыйа Федерациятын норуодунай артыыһа[1], Саха Өрөспүүбүлүкэтин норуодунай артыыһа, ССРС норуодунай артыыһа И. К. Архипова пуондун бириэмийэтин лауреата[2], РФ Тыйаатыр деятеллэрин сойууһун чилиэнэ.

Д. К. Сивцев — Суорун Омоллоон аатынан Саха Өрөспүүбүлүкэтин судаарыстыбаннай опера уонна балет тыйаатырын артыыһа.

Олоҕун олуктара

Альбина Кычкина 1957 сыллаахха атырдьах ыйын 6 күнүгэр Мэҥэ-Хаҥалас улууһун Павловскай сэлиэнньэҕэ төрөөбүтэ.

1979 сыллаахха Дьокуускайдааҕы музыкальнай училище соло ырыаһыт кылааһын бүтэрэр.

1985 сыллаахха Свердловскай куоракка Урал Мусоргскай аатынан ил консерваториятын бүтэрэр.

Опера репертуара аан дойдуга аатырбыт опера партияларын толорор: Розина («Севильский цирюльник» Дж. Россини), Виолетта («Травиата» Дж. Верди), Джильда («Риголетто» Дж. Верди), Марфа («Царская невеста»), Розалинда («Летучая мышь» И. Штраус).

Арассыйаҕа уонна аан дойдуга 20-н тахса соло концертары толордо.

2004 сылтан Ирина Архипова пуондатын кытта үлэлэһэр. Икки компакт-дискэни суруттарбыта, олору кини куруук бииргэ үлэлиир концертмейстерынаан бэлэмнээбиттэрэ[3].

Арктическай судаарыстыбаннай култуура уонна ускуустуба институтун преподавателэ[4].

undefined

Дойдулар ыккардыларынааҕы куонкурустар

1989 сылга Альбина Кычкина Ригаҕа буолбут М. Глинка аатынан XIII Бүтүн Сойуустааҕы күрэхкэ Саха муусука тыйаатырын аан бастаан көрдөрбүтэ. 1997 сылга Парижтааҕы Аан дойдутааҕы толорооччулар күрэхтэригэр кыттыбыта. 2003 сылга Таллиннааҕы И. Юрьева аатынан IV Аан дойдутааҕы нуучча романсын толорооччуларын күрэҕэр көрөөччүлэр биһирэбиллэрин бирииһин ылбыта.

Наҕараадалара уонна ытык ааттара

  • Арассыыыйа Федерациятын үтүөлээх артыыһа (1995);
  • Арассыыыйа Федерациятын норуодунай артыыһа (2007);
  • Саха Өрөспүүбүлүкэтин норуодунай артыыһа;
  • Саха Өрөспүүбүлүкэтин бэрэсидьиэнин грамотата (2007)[5];
  • Саха Өрөспүүбүлүкэтин Ил Дарханын грамотата (2018)[6];
  • ССРС норуодунай артыыһа И. К. Архипова аатынан пуондун бириэмийэтин лауреата.

Быһаарыылар

  1. ↑ Кычкина Альбина Михайловна. Награды России. Сигэнии күнэ: 25 Кулун тутар 2024.
  2. ↑ Тетр в лицах. Саха Опера Балет. Сигэнии күнэ: 26 Кулун тутар 2024.
  3. ↑ Кычкина-Борисова Альбина Михайловна. SakhaNews. Сигэнии күнэ: 25 Кулун тутар 2024.
  4. ↑ Преподаватели и дисциплины кафедры музыкального искусства. Арктический государственный институт культуры и искусств. Сигэнии күнэ: 25 Кулун тутар 2024.
  5. ↑ Президент Республики Саха (Якутия). docs.cntd.ru. Сигэнии күнэ: 25 Кулун тутар 2024.
  6. ↑ Пресс-служба Главы Республики Саха (Якутия) и Правительства Республики Саха (Якутия). Михаил Гуляев поздравил Альбину Борисову-Кычкину с юбилеем. Официальный информационный портал Республики Саха (Якутия) (27 Тохсунньу 2018). Сигэнии күнэ: 25 Кулун тутар 2024.

Сигэлэр

Категориялар