Кочнев Пантелеймон Иннокентьевич

Кочнев Пантелеймон Иннокентьевич — учуутал методист, РСФСР норуодунай үөрэҕэрии туйгуна, Саха АССР үтүөлээх учуутала. Тулагы-Киллэм нэһилиэгин ытык киһитэ.

Биография

1898 сыллаахха атырдьах ыйын 23 күнүгэр Ньурба улууһун Куочай нэһилиэгэр Иннокентий Кочнев кыра атыыһыт дьиэ кэргэнигэр төрөөбүтэ. Биэс сааһыгар аҕатын сүтэрбитэ, үс эдьиийдэрин уонна убайын кытта эһэлэригэр иитиллэ биэриллибиттэрэ. Уолу көскө ыытыллыбыттар оскуолаларыгар үөрэммитэ, онтон Ньурба оскуолаҕа киирбитэ. 1913 сыллаахха Бүлүү үрдүкү үөрэх начаалынай училищетын бүтэрбитэ, 15 сааһыгар Марха начаалынай училище учууталынан анаммыта. 1914 сыллаахха күһүнүгэр Саха учуутал семинарийыгар киирбитэ. 1917 сыллааҕы революция иннинэ П. А. Ойуунскайы, М. К. Аммосовы, С. М. Аржакову, М. В. Мегежекскайы, С. В. Васильевы кытта үөрэҕин бүтэрбитэ.

Тулагы-Киллэм оскуолатыгар дириэктэр, завуч, учуутал, маҥнайгы, сэттэ сыллаах, орто оскуола учуутала быһыытынан 1960 сылга диэри 45 сылы быһа үлэлээбитэ. Юннат уонна муусука куруһуоктарын тэрийбитэ.

Дьиэ кэргэнэ

Улахан уола Кочнев Михаил Пантелеймович судаарыстыбыннай деятель, Нүөрүҥгүрү куорат бастакы мэра. Кыра уола Кочнев Михаил Пантелеймович авиация бэтэрээнэ. Орто уолаттара Валерий уонна Николай аҕаларын суолун батыспыттар. Николай Тулагы оскуолатын дириэктэрэ этэ. Валерий педагогическай билим дуоктара буолбута.

Наҕараадалар

• Саха АССР үтүөлээх учуутала;
• В. И. Ленин уордьанын кавалера;
• РСФСР норуодунай үөрэҕэрии туйгуна;
• «Аҕа дойду сэриитигэр 1941-1945 сс. килбиэннээх үлэтин иһин» мэтээлинэн наҕараадаламмыта;
• Тулагы-Киллэм нэһилиэгин ытык олохтооҕо.

Аатын үйэтитии

1994 сыллаахха Саха Өрөспүүбүлүкэтин Бырабыыталыстыбатын ыйааҕынан агропромышленнай хабааттыылаах Тулагы орто общеобразовательнай оскуолата кини аатын сүгэр буолбут. 2012 сыллаахха оскуолаҕа киниэхэ аналлаах пааматынньык турар.

2015 сыллаахха ахсынньы 18 күнүгэр Дьокуускай куорат баһылыгын бастакы солбуйааччытын ыйааҕынан Тулагы уулуссата Кочнев Пантелеймон аатынан ааттаммыта.

Литэрэтиирэ

• Имена на улицах Якутска : (биобиблиографический справочник) / Окружная администрация города Якутска, Управление культуры и духовного развития городского округа «город Якутск» Муниципальное бюджетное учреждение "Централизованная библиотечная система городского округа «город Якутск», Информационно-библиографический отдел; [составители: Зедгенидзева А. Н., Иванова М. Н., Купоросова Т. И. и др. ; редакторы: Попова С. В., Иванова М. Н. ; руководитель проекта Тихонова Н. Н. ; вступительное слово главы ГО «город Якутск» Евгения Григорьева]. — Якутск : ЦГБ, 2002- . — 21 см. Вып. 4. — 4-е изд., перераб. — 2022. — 693 c. : портр. — 69 экз.