Нуучча тылынанАнал бырайыактар
Тылы уларыт
УРУБИИКИ ТУҺУНАН

Кондратьев Аким Андреевич

Кондратьев Аким Андреевич (1931 сыл кулун тутар 19 күнэ, Сунтаар улууһа, Саха АССР — 2001 сыл ахсынньы 16 күнэ) — сэбиэскэй уонна арассыыйатааҕы саха суруйааччыта, бэйиэт, суруналыыс, учуутал.

РСФСР уонна ССРС норуотун үөрэҕириитин туйгуна, Сунтаар улууһун Ытык олохтооҕо[1].

Олоҕун олуктара

1931 сыллаахха кулун тутар 19 күнүгэр Сунтаар улууһун Бастакы Бордоҥ нэһилиэгэр төрөөбүтэ[1].

1956 сыллаахха Бүлүүтээҕи педагогика училищетын бүтэрэн, Өлөөн улууһугар ананан, Сухана, Харыйалаах, Кирбэй алын сүһүөх оскуолаларыгар учууталлаабыта[1].

1960 сыллаахха Саха судаарыстыбаннай университетын саха тылын уонна литературатын салаатын туйгуннук үөрэнэн бүтэрбитэ[1]. Сунтаар улууһугар саҥа аһыллыбыт Элгээйи оскуола-интернатыгар үөрэх чааһын сэбиэдиссэйинэн уонна саха тылын учууталынан 30-ча сыл үлэлээбитэ[1].

2001 сыллаахха ахсынньы 16 күнүгэр өлбүтэ[1].

Айар үлэтэ

Бастакы хоһоонноро, уочаркалара уонна литературнай ыстатыйалара өрөспүүбүлүкэ хаһыаттарыгар, сурунаалларыгар бэчээттэммиттэрэ. Оҕолорго аналлаах «Кэкэ-бука» (1975), «Лоокуут тойуга» (1988), «Ийэ мичээрэ» хоһоон хомуурунньуктарын ааптара[1]. А. Кондратьев хоһоонноро хомуурунньуктарга уонна уһуйааннарга, алын кылаастарга аналлаах хрестоматияларга киирбиттэрэ[1]. Элбэх хоһоонноро ырыа буолан ылламмыттара[1].

Наҕараадалара уонна ытык ааттара

  • РСФСР норуотун үөрэҕириитин туйгуна[1];
  • ССРС үөрэҕириитин туйгуна[1];
  • Сунтаар улууһун Ытык олохтооҕо[1].

Айымньылара

  • Кэкэ-бука. Кыра саастаах оҕолорго хоһооннор. — Якутскай: Саха сиринээҕи кинигэ изд-вота, 1975. — 14 с.
  • Лоокуут тойуга. Оҕолорго хоһооннор. — Якутскай: Саха сиринээҕи кинигэ изд-вота, 1988. — 24 с.
  • Напевы улита. Оҕолорго хоһооннор. — Якутск: Кн. изд-во, 1988. — 24 с.

Быһаарыылар

  1. ↑ 1 2 3 4 5 6 7 8 9 10 11 12 Кондратьев Аким Андреевич (рус.). Сунтарская библиотека. Сигэнии күнэ: 22 От ыйын 2026.

Категориялар