Кладкин Василий Михайлович

• 1931 сыллаахха тохсунньу 10 күнүгэр Саха АССР Чурапчы оройуонун Болтоҥо нэһилиэгэр Кындалга төрөөбүт.
• 1939—1942 сс. — Арыылаах начальнай оскуолатыгар үөрэммит. 1942 с. дьиэ кэргэнин кытта Кэбээйи оройуонугар көспүт.
• 1944—1947 сс. — Мындаҕаайы орто оскуолатыгар, оҕо дьиэтигэр олорон, үөрэммит.
• 1947—1950 сс. — Дьокуускайдааҕы финансовай-кредитнай техникумҥа үөрэммит. Бүтэрээт, Томпо оройуонугар ананан үлэлии барбыт.
• 1950 сыл атырдьах ыйын 14 күнүттэн Томпо оройуонун үбүн салаатыгар үлэлээбит.
• 1957 сыл ыам ыйын 6 күнүттэн сэтинньи 13 күнүгэр дылы — Томпо оройуонун үбүн салаатын старшай инспектора.
• 1957—1959 сс. — ЫБСЛКС Томпо оройуонунааҕы райкомугар иккис секретарь.
• 1959—1960 сс. — ЫБСЛКС Томпо оройуонунааҕы райкомугар бастакы секретарь.
• 1960 сыл тохсунньу 25 күнүттэн — Томпо оройуонун Жданов аатынан колхоз бэрэссэдээтэлэ.
• 1970 сыл тохсунньу 1 күнүттэн — «Томпо» совхозка Томпо отделениетын салайааччыта.
• 1974 сыл олунньу 26 күнүттэн — табаны иитэр «Томпо» совхоз директора.
• 1974—1979 сс. — Саха государственнай университетыгар тыа хаһаайыстыбатын салаатыгар «зоотехния» идэтигэр кэтэхтэн үөрэммитэ.
• 1988 с. — Сан-Францискоҕа (АХШ) үөрэммит^[1].

Тыа хаһаайыстыбатыгар үрдүк ситиһиилэрин иһин ССРС Үрдүкү Сүбэтин Президиумун 1990 сыл атырдьах ыйын 27 күнүнээҕи Ыйааҕынан Кладкин Василий Михайловичка Социалистыы Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт^[2].

• 1994 сыл муус устар 13 күнүттэн — «Томпо» таба иитэр община бэрэссэдээтэлэ.
• 1997 с. — Аляска Анкоридж куоратыгар (АХШ) үөрэммит.
• 1999 сыл от ыйын 27 күнүттэн — СПК (фактория) «Томпо» директора.
• 2003 сыллаахха ыам ыйын 27 күнүгэр Дьокуускайга өлбүт^[1].

• «Бочуот Бэлиэтэ» уордьан (22.03.1966);
• «Үлэ Кыһыл Знамята» уордьан (иккитэ — 08.04.1971; 10.03.1974);
• Саха АССР норуотун хаһаайыстыбатын үтүөлээх үлэһитэ (09.12.1972);
• Ленин уордьана (иккитэ — 14.12.1984; 27.08.1990);
• Социалистыы Үлэ Дьоруойа (1990);
• «ХХ үйэҕэ Саха сирин бастыҥ киһитэ» (1990);
• Томпо улууһун Ытык олохтооҕо (1995);
• Чурапчы улууһун Ытык олохтооҕо (2001)^[1].

• Саха сиригэр таба иитиитигэр ситиһиилэр иһин Василий Кладкин аатынан судаарыстыбаннай наҕараада олохтоммут^[3];
• 2021 сыллаахха «Саха судаарыстыбыннаһын 100 сылыгар - 100 ааттаах алмаас» бырайыак чэрчитинэн АЛРОСА хампаанньата «Үбүлүөйдээх» кимбрелит туруупкаттан хостообут 60,35 караттаах бөдөҥ алмааһа Кладкин Василий Михайлович аатынан ааттаммыта^[4].