Каженкин Рустам Николаевич
Каженкин Рустам Николаевич (төр. 1985 олунньу 6 күнэ, Адыаччы, Үөһээ Дьааҥы улууһа) — бэйиэт, учуутал, П. А. Ойуунускай аатынан литература түмэлин дириэктэрэ.
Олоҕун олуктара
1985 сыллаахха олунньу 6 күнүгэр Үөһээ Дьааҥы улууһугар Адыаччыга төрөөбүтэ.
Саха судаарыстыбаннай университетын бүтэрбитэ, идэтинэн филолог, литэрэтиирэ кириитигэ уонна эрэдээктэр.
2007 сыллаахха Адыаччы орто оскуолатыгар саха тылын уонна дитэрэтиирэтин учууталынан үлэтин саҕалаабыта.
2025 сылга дылы Дьокуускайга «Айыы Кыhата» оскуола учууталынан, үөрэх чааһын сэбиэдиссэйинэн үлэлээбитэ. Үрдүк категориялаах педагог.
2025 сыл бэс ыйыгар П. А. Ойуунускай аатынан Дьокуускайдааҕы судаарыстыбаннай литература түмэлин дириэктэринэн анаммыта[1].
Уопсастыбаннай үлэтэ
Саха сирин суруйааччыларын сойууһун эдэр литератордарын сүбэтин салайааччыта, «Сайдыы» төрөөбүт тыл уонна литэрэтиирэ учууталларын ассоциациятын хос бэрэстээтэлэ, СӨ Норуот педагогигатын ассоциациятын бырабылыанньатын чилиэнэ[2].
Бэйиэт, 2013 сыллаахтан Арассыыйа суруйааччыларын сойууһун чилиэнэ. Хоһооннорун «Олук тыл» диэн бастакы хомуурунньуга 2007 сыллаахха, иккис «Таас тойуга» диэн хомуурунньуга 2015 сыллаахха, үсүһэ «Үс кустук» 2018 сыллаахха тахсыталаабыттара. Саха сирин элбэх сурунаалларыгар уонна хаһыаттарыгар айымньылара бэчээттэнэллэр.
Наҕараадалар
- Төрөөбүт тыл уонна литэрэтиирэ бастыҥ учуутала-2025 өрөспүүбүлүкэтээҕи түһүмэҕин кыайыылааҕа[3].