Нуучча тылынанАнал бырайыактар
Тылы уларыт
УРУБИИКИ ТУҺУНАН

Зайцев Николай Константинович

Зайцев Николай Константинович (1913, Матрёнино[d], Глинковский район[d] — өлбүт күнэ биллибэт) — Тиксии оройуоннааҕы күнү-дьылы кэтиир полярнай радиокиинин салайааччыта, Социалистыы Үлэ Дьоруойа (1960).

Олоҕун олуктара

1913 сыллаахха Смоленск губерниятын Матренино сэлиэнньэтигэр бааһынай дьиэ кэргэҥҥэ төрөөбүт. Оскуоланы бүтэрэн баран радиотехниктар куурустарыгар үөрэммит. 1938 сылтан старшай радиомеханигынан, тиэрдэр станция сменатын начальнигынан уонна Тиксии оройуоннааҕы күнү-дьылы кэтиир полярнай радиокиинин Муостаах полярнай станциятын начальнигынан үлэлээбит. Аҕа дойду Улуу сэриитин кэмигэр станция коллектива Хотугу муора суолун куттала суох үлэтин хааччыйбыта, ол иһин Николай Зайцев Кыһыл Сулус уордьанынан наҕараадаламмыт.

1950-1960 сыллардаахха Муостаах арыыга Ирбэт тоҥу чинчийэр Институут эспэдииссийэтэ үлэлээбит. Николай Зайцев салайар полярнай станцията 1958-1959 сс. научнай чинчийиилэри ыытыыга боччумнаах кылааты киллэрбит[1].

Муора транспорын сайыннарыы дьыалатыгар уһулуччу ситиһиилэрин иһин, ССРС Үрдүкү Сүбэтин Президиумун 1960 сыл атырдьах ыйын 3 күнүнээҕи Ыйааҕынан Зайцев Николай Константиновичка Социалистыы Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт[1].

Наҕараадалара уонна ытык ааттара

  • Социалистыы Үлэ Дьоруойа (03.08.1960):
    • «Сиэрпэ уонна Балта» 10284 № мэтээл;
    • 335723 № Ленин уордьана[1].

Аатын үйэтитии

2022 сыллаахха «100 алмаас – Саха сирин 100 чулуу олохтооҕо» бырайыак чэрчитинэн Зайцев Н. К. аатынан алмаас ааттаммыта[2].

Быһаарыылар

Сигэлэр

Категориялар