Емельянов Степан Иннокентьевич
Емельянов Степан Иннокентьевич (1935 сыл сэтинньи 29 күнэ, Төрдүс Малдьаҕар нэһилиэгэ, Саха АССР — 2021 сыл атырдьах ыйын 18 күнэ) — артыыс, Саха Өрөспүүбүлүкэтин үтүөлээх артыыһа.
Олоҕун олуктара
Степан Емельянов 1935 сыллаахха сэтинньи 29 күнүгэр Саха АССР Орджоникидзевскай оройуонун (билиҥҥи Хаҥалас улууһа) Төрдүс Малдьаҕар нэһилиэгэр төрөөбүтэ.
Тиит-Арыы, Сиинэ оскуолаларыгар үөрэммитэ.
1954—1956 сс. — Тихоокеанскай ВМФ сулууспалаабыт.
1961 с. — Покровскайга үлэһит эдэр ыччат киэһээҥҥи орто оскуолатын үөрэнэн бүтэрбитэ.
1961—1966 сс. — М. С. Щепкин аатынан Москватааҕы тыйаатыр училищетыгар үөрэммитэ.
1966—1973 сс. — Ньурбаҕа драма тыйаатырын артыыһа.
1974—1976 сс. — П. А. Ойуунускай аатынан Саха судаарыстыбаннай драма тыйаатырын артыыһа.
1976—1980 сс. — Дьокуускайдааҕы музыкальнай тыйаатыр дириэктэрэ.
1980—1983 сс. — П. А. Ойуунускай аатынан Саха судаарыстыбаннай драма тыйаатырын артыыһа.
1984 сылтан П. А. Ойуунускай аатынан Саха судаарыстыбаннай драма тыйаатырын дириэктэрэ.
1998 сылтан А. С. Пушкин аатынан Нуучча драматическай тыйаатырыгар режиссер. А. С. Пушкин «Кыра трагедияларын» туруорбута
Айар үлэтэ
Киинэ
- «Срочно… Секретно… Губчека» (Аксенов оруолугар)
- «Семен Дежнев» (Дежнев сирдьитин оруолугар) (1984)
Театрга оонньообут оруоллара
- Виктор («Күкүр Уус»)
- Лутули («Перед восходом солнца» Суорун Омоллоон)
- Яковлев («Темная ночь» Николай Якутскай)
- Яков Лукич («Поднятая целина» М. Шолохов)
- Байтемир («Нэркэс» И. Юмагулов)
- Президент («Коварство и любовь» Шиллер)
- Александр («Последние» М. Горькай)
- Банко («Макбет» Шекспир)
- Бардасов («На водоразделе» В. Яковлев, В. Фомин)
- от автора (сценическай композиция «Хаарыан хампа күөх кытылым», Ч. Айтматов «Пегий пес, бегущий краем моря» сэһэнинэн)
Наҕараадалара уонна ытык ааттара
- Саха Өрөспүүбүлүкэтин үтүөлээх артыыһа.
Аатын үйэтитии
- Кулун тутар 27 күнүгэр, тыйаатыр аан дойдутааҕы күнүгэр, Дьокуускайга Петровскай уулуссатын 3-с нүөмэрдээх дьиэтин эркинигэр Саха сирин тыйаатыр диэйэтэлигэр уонна киинэ артыыһыгар Степан Емельяновка анаан өйдөбүнньүк дуоска туруоруллубута[1].