Нуучча тылынанАнал бырайыактар
Тылы уларыт
УРУБИИКИ ТУҺУНАН

Дудкин Петр Иванович

Пётр Иванович Дудкин(1910 сыл тохсунньу 4 күнэ, Маача, Саха АССР — 1973, Дьокуускай) - Саха АССР сибээс производственнай-техническэй салалтатын салайааччыта, Аҕа дойду Улуу сэриитин кыттыылааҕа, Социалистыы Үлэ Дьоруойа[1].

Олоҕун олуктара

1910 сыллаахха тохсунньу 4 күнүгэр Өлүөхүмэ улууһун Нохтуйа сэлиэнньэтигэр төрөөбүт (билигин Маача нэһилиэккэ киирсэр).

1923 сыллаахха 13 саастааҕар телеграфка үлэлии киирбит[2].

1941 сылтан 1946 сыллаахха диэри аармыйаҕа сулууспалаабыт. II Ударнай Аармыйа парторга буолбут, сэриини полковник сыбаанньалаах түмүктээбит[3].

Сэрииттэн кэлэн баран Саха АССР сибээһин салалтатын салайааччыта анаммыт уонна 1951 сыллаахха диэри үлэлээбит. Онтон Саха АССР Миниистирдэрин сэбиэтин бэрэстээтэлин солбуйааччытынан анаммыт.

1955 сылтан урукку үлэтигэр төннөн 1973 сыллаахха өлүөр диэри Өрөспүүбүлүкэ сибээһин салайбыт[2][1].

Наҕараадалара уонна ытык ааттара

Саха АССР сибээһин үтүөлээх үлэһитэ (1964); Саха АССР норуотун хаһаайыстыбатын үтүөлээх үлэһитэ (1965). Ленин уордьана (1966, 1971);

Аатын үйэтитии

  • 2005 сыллаахха Дьокуускайга «СахаТелеком» дьиэтигэр (Курашов уул, 22 дьиэ) П. И. Дудкин мемориальнай дуоската туруоруллубут (скульптор Егор Оготоев)[1][2];
  • П. И. Дудкин бюстара Өлүөхүмэҕэ (атырдьах ыйа 2010) уонна Дьокуускайга (сэтинньи 2010) туруоруллубуттар[1];
  • 2010 сыллаахха Арассыыйа Почтата П. И. Дудкин мэтириэттээх маркалаах кэнбиэр таһаарбыт[1];
  • П. И. Дудкин аатын сүгэллэр:
  • * Дьокуускайдааҕы телекоммуникация, сибээс уонна информационнай технология колледжа (2010 сылтан)[4];
  • * Өлүөхүмэ сэл. уулусса[1];
  • 2011 сыллаахха үөрэххэ ураты дьоҕурдарын иһин П. И. Дудкин аатынан Дьокуускайдааҕы телекоммуникация, сибээс уонна информационнай технология колледжын устудьуоннарыгар Социалистыы Үлэ Дьоруойа Петр Иванович Дудкин аатынан икки сылга биирдэ бэриллэр стипендия олохтоммут[5];
  • 2015 с. Саха сиригэр ибээс уонна информационнай технология эйгэтигэр П. И. Дудкин аатынан Судаарыстыбаннай бириэмийэ олохтоммут[6];
  • 2022 сыллаахха "Үбүлүөйдээх" туруупкаҕа хостоммут 72,99 караттаах бөдөҥ ювелирнай алмааска Социалистыы Үлэ Дьоруойа Петр Иванович Дудкин аата иҥэриллибит[7].

Эбии маны көр

Быһаарыылар

  1. ↑ 1 2 3 4 5 6 7 Дудкин Петр Иванович (рус.). Герои страны (29 Тохсунньу 2026).
  2. ↑ 1 2 3 4 Имя Петра Дудкина навеки вписано в историю развития связи в Якутии (рус.). СахаНьюс (29 Тохсунньу 2026).
  3. ↑ 1 2 Дудкин Петр Иванович 1910 г.р. № записи: 22989411. Подвиг народа. Сигэнии күнэ: 29 Тохсунньу 2026. Архивировано 14 Муус устар 2010 года.
  4. ↑ Одному из ССУЗов Якутии присвоено имя Петра Дудкина. Информационное агентство SakhaNews (16 Сэтинньи 2010). Сигэнии күнэ: 29 Тохсунньу 2026.
  5. ↑ Распоряжение Правительства Республики Саха (Якутия) от 28.04.2011 г. № 376-р «Об учреждении стипендий имени Героя Социалистического Труда Петра Ивановича Дудкина для студентов государственного автономного учреждения „Якутский колледж связи и энергетики имени П. И. Дудкина“ Министерства науки и профессионального образования Республики Саха (Якутия)». Справочно-правовая система «ЗаконПрост». Сигэнии күнэ: 29 Тохсунньу 2026. Архивировано 4 Тохсунньу 2017 года.
  6. ↑ О присуждении Государственной премии РС(Я) имени П.И. Дудкина. ЯСИА (4 Ыам ыйын 2022). Сигэнии күнэ: 29 Тохсунньу 2026.
  7. ↑ В Якутии самый большой алмаз назвали Петр Дудкин. Восток тудэй (13 От ыйын 2022). Сигэнии күнэ: 29 Тохсунньу 2026.

Литература

  • Владимир Пестерев. История Якутии в лицах. — Якутск: «Бичик», 2001.
  • Герои Социалистического Труда Якутской АССР: биобиблиогр. справ. — Якутск, 1987. — С. 63—65.

Категориялар