Нуучча тылынанАнал бырайыактар
Тылы уларыт
УРУБИИКИ ТУҺУНАН

Данилов Эдуард Федорович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Данилов.

Данилов Эдуард Федорович (1933 сыл ыам ыйын 5 күнэ, Бордоҥ (Ньурба), Саха АССР) — үлэ, тыыл, судаарыстыбыннай сулууспа бэтэрээнэ, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Саха Өрөспүүбүлүкэтин Ытык кырдьаҕастарын Сэбиэтин Президиумун чилиэнэ[1].

Олоҕун олуктара

1933 сыллаахха Ньурба улууһугар Бордоҥ нэһилиэгэр «Тойон уйалаах» диэн алааска холкуостаахтар кэргэннэригэр төрөөбүт.

1948 сыллаахха Маалыкай сэттэ кылаастаах оскуолатын бүтэрэн, Ньурба бастакы нүөмэрдээх оскуолатын 1951 сыллаахха бүтэрбит уонна Дьокуускай куоракка педагогическай институт историко-филологическай факультетын саҥа тэриллибит саха оскуолаларыгар нуучча тылын уонна литературатын үөрэтэр учууталлары бэлэмниир (РОЯШ) салаатыгар киирэн үөрэнэн нуучча тылын уонна литературатын үөрэтэр преподаватель идэтин баһылаабыт.

1955 сылтан түөрт сыл саҥа орто оскуола буолбут Маалыкай оскуолатыгар дириэктэри үөрэх чааһыгар солбуйааччынан үлэлээбит. Партия райкомун бюротун рекомендациятынан Степан Васильев аатынан колхоз парткомун босхоломмут сэкэрэтээринэн талыллыбыт. Сотору буолаат партия райкомун партийнай-тэрийэр салаатын инструкторынан анаабыттар, онтон партия Ньурбатааҕы райкомун иккис сэкэрэтээринэн талбыттар.

1963 сыллаахха Ньурба уонна Сунтаар оройуоннара холбоһон, бөдөҥсүйэн Ленинскэй оройуон диэн буолбуттар. Бу бөдөҥсүйбүт оройуоҥҥа Э. Ф. Данилов райсовет исполкомун бэрэссэдээтэлин солбуйааччынан талыллан үлэлээбит. Өр-өтөр буолбатах, аны оройоун хайдан урукку чөллөрүгэр түһүүлэригэр Данилов Э. Ф. Ньурба өртүгэр райсовет исполкомун сирэй бэрэссэдээтэлинэн быыбардаммыт.

1970 сыллаахха Москваҕа үрдүкү партийнай оскуоланы бүтэрэн кэлээтин кытта ССКП обкомун бюрота рекомендациялаан партия Горнайдааҕы райкомун бастакы сэкэрэтээринэн талыллыбыт, ити эппиэттээх дуоһунаска сэттэ сыл үлэлээн баран, партия уобаластааҕы комитетын аппараатыгар сектор сэбиэдиссэйинэн партия эстиэр диэри үлэлээбит. Онтон сэттэ сыл «Холбос» респотребсоюзка кадр салаатын салайааччытынан, уопсай салаа сэбиэдиссэйинэн үлэлэтэлээбит.

Кэнники сылларга Саха Республикатын Президенин уонна Правительствотын Администрациятыгар сүрүннүүр специалист-эппиэттиир дьуһуурунай дуоһунастарыгар үлэлээбит, күн бүгүҥҥэ дылы Республика Ытык кырдьаҕастарын Үрдүкү Сүбэтин эппиэттээх сэкэрэтээрин дуоһунаһыгар үлэлии сылдьар.

Эдуард Данилов — Саха АССР VII ыҥырыылаах Үрдүкү Советын дьокутаата, партия Саха уобаластааҕы комитетын чилиэнэ[1].

Наҕараадалара уонна ытык ааттара

Библиографията

Написал много статей о первых русских революционерах и известных партийных деятелях, а также несколько книг (в том числе в соавторстве), вышедших в якутском издательстве «Бичик»:

  • Степан Васильевич Васильев (1896—1943) : документы, фотографии / Респ. организац. ком. по подгот. и проведению 110-летнего юбилея С. В. Васильева; [сост.: Э. Ф. Данилов, А. А. Калашников]. — Якутск : Бичик, 2006 (Владивосток). — 95 с.
  • Высший совет старейшин Республики Саха (Якутия) Ытык Сүбэ : 20 лет / составители: Л. Н. Григорьева, Д. Н. Николаев, Э. Ф. Данилов, П. И. Амвросьева. — Якутск : Дани-Алмас, 2020. — 119 с.
  • Михаил Мегежекский : [статьи, воспоминания / сост.: Э. Ф. Данилов, И. М. Емельянова (Мегежекская); авт. вступ. стак как ист. н. Е. П. Антонов]. — Якутск : Бичик, 2008. — 208 с.
  • Степан Васильев : к 110-летию со дня рождения / [авт.-сост. Э. Ф. Данилов]. — Якутск : Бичик, 2006. — 317, [2] с.
  • Александра Овчинникова : [к 100-летию со дня рождения : статьи, воспоминания, выступления, доклады / сост.: И. В. Борисов, Э. Ф. Данилов : 12+ ; редкол.: А. Н. Жирков, Л. Н. Григорьева, И. В. Борисов и др.]. — Якутск : Бичик, 2014. — 446, [1] с[2].

Быһаарыылар

  1. ↑ 1 2 3 Данилов, Эдуард Фёдорович (рус.) (28 Тохсунньу 2026).
  2. ↑ Данилов Эдуард Федорович. Библиография (рус.). Национальная библиотека Якутии. Сигэнии күнэ: 28 Тохсунньу 2026.

Категориялар