Нуучча тылынанАнал бырайыактар
Тылы уларыт
УРУБИИКИ ТУҺУНАН

Давыдов Дмитрий Леонидович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Давыдов.

Давыдов Дмитрий Леонидович (1983 сыл олунньу 22 күнэ, Амма (улуус киинэ), Саха АССР) — саха киинэтин режиссера, сценарий суруйааччы, продюсер[1]. Саха Өрөспүүбүлүкэтин ускуустубатын үтүөлээх диэйэтэлэ[2]. 2020 сыллааҕы 31-с «Кинотавр» киинэ бэстибээлин Сүрүн бирииһин кыайыылааҕа[3].

Олоҕун олуктара

1983 сыллаахха Аммаҕа төрөөбүт. Нүөрүҥгүрүгэ алын кылаас учууталыгар үөрэммит.

2004 сыллаахха Амма улууһугар төннөн, Ф. Лобанов аатынан Чапчылҕан орто оскуолатыгар психологынан, үөрэх чааһын сэбиэдиссэйинэн, алын кылаас учууталынан, кылаас салайааччытынан, дириэктэринэн үлэлээбит.

2005 сыллаахха оскуола оҕолоругар аналлаах түмсүү тэрийбит, онно орто, улахан саастаах үөрэнээччилэри кытта араас видеолары, дьоҕус роликтары устан саҕалаабыт. Оччолорго кинематографка интэриэс, киинэҕэ идэтийэн дьарыктанар баҕа санаа көстүбүт[4].

Кэргэннээх, икки оҕолоох[5].

Айар үлэтэ

2005—2013 сыллардаахха оскуола орто саастаах оҕолорун кытта тэттик киинэлэри устар эбит. Онтун оскуолаҕа уонна олохтоох кулуупка көрдөрөр эбит.

2013 сыллаахха «Сүгэ» диэн бастакы толору кээмэйдээх киинэтин устан, Дьокуускайга киинэ эйгэтигэр киирэр.

Бастакы үрдүк таһымнаах киинэтин 2014 сыллаахха устубут. Ол курдук, «Тыалга кытыастар кутаа» (нууч.) (сах. уус-уран киинэ сценарийын икки нэдиэлэнэн суруйан бүтэрбит. Киинэҕэ уустук дьылҕалаах дьон олоххо тус-туһунан сыһыаннара көстөр. Биир дойдулааҕа кинорежиссер Степан Бурнашев сүбэ-ама буолан, устар дьону, аппаратуураны булбут. Киинэтин, бэйэтэ кэпсииринэн, Амма улууһун бөһүөлэктэригэр Аммаҕа, Бөтүҥҥэ, Чапчылҕаҥҥа, Чакырга кыһын 15 хонук устата устубут. Артыыстарын олохтоох нэһилиэнньэттэн талан ылбыт, сорохторо Амма норуодунай тыйаатырыгар оонньууллар эбит[6].

Бу киинэ киэҥ эйгэҕэ тахсыбатаҕын иһин, Аан дойдутааҕы киинэ бэстибээллэригэр көстүбүт. Ол курдук, 2016 сыллаахха ImagineNative диэн Канаадаҕа Торонто куоракка ыытыллар бөдөҥ киинэ бэстибээлигэр бастыҥ дыраама (ааҥл. «Best Feature Drama») аатын сүкпүт. Ол сыл Бусааҥҥа (Соҕуруу Кэриэйэ) Аан дойдутааҕы киинэ бэстибээлигэр (BIFF) уонна Брисбиэҥҥэ (Аустралиа) Азия уонна Чуумпу акыйаан киинэ бэстибээлигэр (Brisbane Asia Pacific Film Festival) кыттыыны ылбыт[2]. 2017 сыллаахха Омскай куоракка буолан ааспыт «Движение»-2017 киинэ бэстибээлигэр «Тыалга кытыастар кутаа» икки номинация кыайыылааҕа буолбут: «Бастыҥ режиссёр үлэтэ» (Дмитрий Давыдов) уонна «Бастыҥ эр киһи толорооччута» (Алексей Устинов), ону таһынан киинэ ааптарыгар Омскай губернатора анал бириис туттарбыт[7].

Ону таһынан, «Тыалга кытыастар кутаа» Тромсё куоракка (TIFF киинэ бэстибээлэ, Норвегия), Саҥа Зеландияҕа, Германияҕа, Латвияҕа, Финляндияҕа и Казахстаҥҥа көстүбүт[3].

2025 сыл алтынньы 7 күнүгэр «Прозрачные земли» диэн саҥа киинэтэ Геленджик куоракка «Маяк» Арассыыйа аныгы киинэтин үһүс бэстибээлин чэрчитинэн сүрэхтэммитэ.

2026 сыл олунньутугар Алдан улууһун Хатыыстыыр сэлиэнньэтигэр «Онул» (эбэтэр «Маут») диэн кылгас кээмэйдээх киинэни устан саҕалаабыта.

Уһулбут киинэлэрэ

Сыл Киинэ Режиссер Сценарист Продюсер Артыыс Бэлиэтээһин
Кыыс Амма
БаарY
 документальнай
2013 Сүгэ
БаарY
БаарY
2014 Күрүөйэх
БаарY
2016 Тыалга кытыастар кутаа
БаарY
БаарY
2018 Девушка с сеном
БаарY
БаарY
 кылгас кээмэйдээх
2019 Ийэкээм
БаарY
Река
БаарY
БаарY
БаарY
 кылгас кээмэйдээх
2020 Пугало
БаарY
БаарY
БаарY
2021 ЯКУТСКОЕ КИНО: как снять фильм за 1,5 миллиона рублей и победить на Кинотавре
БаарY
 документальнай
2021 Ыт
БаарY
БаарY
БаарY
2022 Эдэр саас
БаарY
БаарY
БаарY
2022 Нелегал
БаарY
БаарY
2022 Айта
БаарY
2022 Песни лета
БаарY
БаарY
БаарY
2023 Граница
БаарY
БаарY
2023 Эт
БаарY
БаарY
БаарY
TBA Ловец мух
БаарY
2024 Чума
БаарY
БаарY
БаарY
 өҥө суох, толору кээмэйдээх
2024 Харама
БаарY
БаарY
 документальнай
2025 Присутствие
БаарY

Ытык ааттара уонна ситиһиилэрэ

Ытык ааттара

  • Саха Өрөспүүбүлүкэтин ускуустубатын үтүөлээх диэйэтэлэ[2];
  • Амма улууһун ытык киһитэ[8];
  • Азия уонна Чуумпу далай киинэ академиятын чилиэнэ (Asia Pacific Screen Academy, 2016)[2].

Киинэ эйгэтигэр наҕараадалара

  • ImagineNative норуоттар икки ардыларынааҕы киинэ бэстибээлигэр «Best Feature Drama» номинацияҕа Гран-при — «Тыалга кытыастар кутаа» киинэ иһин (Торонто, Канада, 2016)[9];
  • «Движение» киинэ бэстибээлигэр «Бастыҥ режиссёр үлэтин» иһин бириис уонна Омскай уобалас губернаторын анал бирииһэ — «Тыалга кытыастар кутаа» (Омскай, 2017)[10];
  • Х Чебоксардааҕы норуоттар икки ардыларынааҕы киинэ бэстибээлигэр «Бастыҥ режиссёр үлэтин» иһин бириис — «Тыалга кытыастар кутаа» (Чебоксары, 2017);
  • V Дьокуускайдааҕы норуоттар икки ардыларынааҕы киинэ бэстибээлигэр «Бастыҥ киинэ» номинацияҕа Гран-при — «Тыалга кытыастар кутаа» (Дьокуускай, 2017);
  • 31-с аһаҕас «Кинотавр» Арассыыйа киинэ бэстибээлигэр «Сүрүн бириис» уонна «Даниил Дондурей аатынан Арассыыйа киинэни үөрэтээччилэрин уонна киинэ кириитиктэрин бириистэрэ» — «Пугало» киинэ (Москва, 2020);
  • «BAIQONYR International Short Film Festival» норуоттар икки ардыларынааҕы кылгас кээмэйдээх киинэ бэстибээлигэр «Гран-при» уонна «Бастыҥ режиссура» — «Өрүс» киинэ (Байконур, Казахстан, 2020)[2];
  • 18-с «Меридианы Тихого» Азия уонна Чуумпу Далай норуоттарын икки ардыларынааҕы киинэ бэстибээлигэр «Арассыыйа бастыҥ киинэтин көрөөччүлэр биһирэбиллэрин бирииһэ» — «Пугало» киинэ, (Владивосток, 2020)[11];
  • TIFF норуоттар икки ардыларынааҕы киинэ бэстибээлигэр «Киинэҕэ итэҕэйии» бириис — «Пугало» киинэ (Тромсё, Норвегия, 2021)[12];
  • «Үрүҥ слон» киинэ кириитиктэрин уонна киинэ прессатын бириэмийэлэрин «Бастыҥ режиссер» бирииһэ — «Пугало» киинэ (2021)[2];
  • 37-с Варшаватааҕы норуоттар икки ардыларынааҕы киинэ бэстибээлин «Күннээҕи олоҕу ыраас кинематографическай көрүүтүн иһин» диэн анал бирииһэ — «Ыт» киинэ, (Варшава, Польша, 2021)[13].

Киинэ эйгэтигэр номинациялар

«Ника» бириэмийэҕэ «Бастыҥ режиссер үлэтэ» номинацияҕа ааттаныы («Пугало» киинэ, 2020)[14].

Быһаарыылар

  1. ↑ Жить, чтобы жить: Три с половиной фильма Дмитрия Давыдова // С. Анашкин, Искусство кино. Сигэнии күнэ: 9 Тохсунньу 2026. Архивировано 23 Муус устар 2021 года.
  2. ↑ 1 2 3 4 5 6 Дмитрий Давыдов (рус.). Кино-Театр.ру. Сигэнии күнэ: 9 Тохсунньу 2026.
  3. ↑ 1 2 Главный приз «Кинотавра» достался «Пугалу» Дмитрия Давыдова. 31-й российский кинофестиваль объявил лауреатов. Победителем в 2020 году объявлена картина «Пугало» Дмитрия Давыдова (рус.). РБК Стиль (18 Балаҕан ыйын 2020). Сигэнии күнэ: 9 Тохсунньу 2026. Архивировано 15 Муус устар 2021 года.
  4. ↑ Дмитрий Давыдов: «В якутском кино собрались упорные ребята» // К. Шавловский, Сеанс. Сигэнии күнэ: 9 Тохсунньу 2026. Архивировано 13 Муус устар 2021 года.
  5. ↑ Режиссер «Пугала» Дмитрий Давыдов рассказал, как совмещает школу и кино (рус.). Сигэнии күнэ: 9 Тохсунньу 2026.
  6. ↑ Биография Дмитрия Давыдова (рус.). Сигэнии күнэ: 9 Тохсунньу 2026.
  7. ↑ «Движение»-2017: кинофестиваль дебютов выбрал лучшие фильмы (рус.). Сигэнии күнэ: 9 Тохсунньу 2026.
  8. ↑ Амгинцы подарили режиссеру Дмитрию Давыдову сертификат на автомобиль "Нива" (рус.). sakhaday.ru (3 Алтынньы 2020). Сигэнии күнэ: 9 Тохсунньу 2026.
  9. ↑ Снятая якутским учителем драма получила признание на международных кинофестивалях. Фильм "Костер на ветру" показали почти в десятке стран (рус.). ТАСС (15 Тохсунньу 2018). — «В 2016 фильм показали в Торонто на фестивале ImagineNATIVE, на крупнейшем кинофестивале коренных народов. "Мы получили главный приз Best Feature Drama.» Сигэнии күнэ: 9 Тохсунньу 2026. Архивировано 6 Атырдьах ыйын 2018 года.
  10. ↑ Павел Гайков. Якутский фильм "Костер на ветру" стал триумфатором фестиваля "Движение" (рус.). РИА Новости (29 Муус устар 2017). Сигэнии күнэ: 9 Тохсунньу 2026. Архивировано 3 Муус устар 2019 года.
  11. ↑ Главный приз кинофестиваля "Меридианы Тихого" во Владивостоке отправился в Китай (рус.). Интерфакс Россия (16 Алтынньы 2020). — «Также среди победителей еще одна российская работа - фильм "Пугало" режиссера Дмитрия Давыдова из Якутии. Он получил приз зрительских симпатий.» Сигэнии күнэ: 9 Тохсунньу 2026. Архивировано 30 Алтынньы 2020 года.
  12. ↑ Якутский фильм "Пугало" получил спецпремию на фестивале в Норвегии (рус.). РИА Новости (25 Тохсунньу 2021). — «Фильм "Пугало" якутского режиссера Дмитрия Давыдова получил премию "Вера в кино" на кинофестивале Tromsø Internasjonale Filmfestival в Норвегии». Сигэнии күнэ: 9 Тохсунньу 2026. Архивировано 12 Олунньу 2021 года.
  13. ↑ Российские ленты получили призы в Варшаве (рус.). www.proficinema.ru. Сигэнии күнэ: 9 Тохсунньу 2026. Архивировано 18 Алтынньы 2021 года.
  14. ↑ Валерий Кичин. Среди номинантов "Ники" лидируют "Дорогие товарищи". Старейшая в России Национальная кинопремия "Ника" объявила своих номинантов. (рус.). // rg.ru (9 Кулун тутар 2021). Сигэнии күнэ: 9 Тохсунньу 2026. Архивировано 9 Кулун тутар 2021 года.

Эбии бу тиэмэҕэ

Категориялар