Нуучча тылынанАнал бырайыактар
Тылы уларыт
УРУБИИКИ ТУҺУНАН

Готовцев Павел Петрович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Готовцев.

Павел Петрович Готовцев (1914, Уус-Алдан улууһа, Саха уобалаһа — 1980 сыл балаҕан ыйын 1 күнэ) — Аҕа дойду Улуу сэриитин, Ленинград көмүскэлин кыттыылааҕа. Аҕа Дойду Улуу Сэриитин II истиэпэннээх уордьанын кавалера. Бартыһаан Егоров аатынан холкуос үлэһитэ.

Олоҕун олуктара

1914 сыллаахха Байаҕантай улууһун (билигин Уус Алдан улууһа) Танда нэһилиэгэр 9 оҕолоох Ирина Кузьминична уонна Петр Егорович Готовцевтар дьиэ кэгэттэригэр төрөөбүтэ.

Танда оскуолатын 4 кылааһын бүтэрбитэ.

1934 сыллаахха «Табалаах» холкуос чилиэнинэн киирбитэ. Сэриигэ ыҥырыллан барыар диэри холкуоска сайынын субан сүөһү бостуугунан, хонуу үлэтигэр, кыһынын кадровай булчутунан сылгыһытынан сылдьбыта.

1941 сыл атырдьах ыйыгар Чурапчы оройуоннааҕы военкоматынан аармыйаҕа ыҥырыллыбыта[1].

Фроҥҥа 1942 сыл кулун тутар 9 күнүттэн 15-с гвардейскай дивизия, 12-с стрелковай ротатыгар рядовой саллаатынан сэриилэспитэ. Ленинград куораты төгүрүктээһиннэригэр 14 суукка устатыгар тоҕуста ытыалааһыҥҥа киирбит. Ыар баастары ылан Ярославльга, Свердловскайга хаста да госпиталга эмтэнэн, алтынньы ыйга дойдутугар эргиллэн кэлбит.

Бартыһаан Егоров аатынан холкуоска кадровай булчутунан, бостуугунан, сылгыһытынан сааһын тухары эҥкилэ суох үлэлээбит.

1980 сыллаахха балаҕан ыйын 1 күнүгэр ыарахан ыарыыттан өлбүтэ[2][3].

Дьиэ кэргэнэ

  • Таатта Баайаҕатыттан төрүттээх Мария Уоһукабына Поповалыын (1936 сыллаахха ыал буолбуттар) 6 оҕону төрөппүттэр, элбэх сиэн ыччаттардаахтар[2].

Наҕараадалара уонна ытык ааттара

  • Аҕа дойду Улуу сэриитин II истиэпэннээх уордьана;
  • «Германияны кыайыы иһин» мэтээл;
  • «1941-1945 сс. Аҕа дойду Улуу сэриитигэр килбиэннээх үлэтин иһин» мэтээл[1].

Быһаарыылар

  1. ↑ 1 2 Галерея памяти участников ВОВ (рус.). Музейный комплекс "Дорога Памяти". Сигэнии күнэ: 26 Атырдьах ыйын 2026.
  2. ↑ 1 2 Готовцев Павел Петрович. Сигэнии күнэ: 26 Атырдьах ыйын 2026.
  3. ↑ Ленинград блокадатын туһунан литератураҕа, историческай наукаҕа хайа да кыргыһыылардааҕар ойуччу тутан ахтыллар. Онтон биһиги бу улуу куорат иһин, хааннаах кыргыһыыларга кыттыбыт биир дойдулаахтарбыт туһунан билэ-көрө сатыыр ытык иэстээхпит., Муниципальное казенное учреждение "Усть-Алданский историко-краеведческий музей им. Сэһэн Ардьакыап" муниципального района "Усть-Алданский улус (район)" (28 Тохсунньу 2021). Сигэнии күнэ: 26 Атырдьах ыйын 2026.

Категориялар