Нуучча тылынанАнал бырайыактар
Тылы уларыт
УРУБИИКИ ТУҺУНАН

Горохов Семен Васильевич

Горохов Семен Васильевич(1930 сыл балаҕан ыйын 14 күнэ, Дьүкээгир (Усуйаана), Саха АССР — 2009 сыл атырдьах ыйын 14 күнэ) — «Усуйаана» совхоз булчута, Социалистыы Үлэ Дьоруойа[1].

Олоҕун олуктара

1930 сыллаахха балаҕан ыйын 14 күнүгэр Усуйаана улууһун Дьүкээгир нэһилиэгэр элбэх оҕолоох дьиэ кэргэҥҥэ төрөөбүт.

Эрдэ тулаайах хаалан, 10 сааһыттан хабдьыга, куобахха, кырынааска бултаан саҕалаабыт.

1942 сылтан, 12 сааһыттан, булчут Иннокентий Алексеевич Гороховка уһуйуллан, совхоз промысловай булчута буолбут. Ол сыл факторияҕа саһыл тириитин, хас да кырынааһы, 28 куобаҕы уонна 80 хабдьыны туттарбыт.

С. Горохов түөрт уонтан тахса сыл устата промысловай булчутунан үлэлээбит, пятилеткалар сорудахтарын хаста да аһара толоро сылдьыбыт. Тохсус пятилетка түмүгүнэн «Бочуот Бэлиэтэ» уордьанынан наҕараадаламмыт. 1968 сыллаахха ССКП-гар киирбит.

1976—1980 сылларга кини 1261 кырсаны бултаан туттарбыт уонна онус пятилетка түмүгүнэн «Үлэ Кыһыл Знамята» уордьанынан наҕараадаламмыт. Ол курдук, кини 1981 сыллаахха 144, 1982 сыллаахха — 191, 1983 сыллаахха — 270, 1984 сыллаахха — 230 кырсаны туттарбыт. Ол түмүгэр, уон биирис пятилетка сорудаҕын (түүлээҕи 10 800 солк. туттарыы) бастакы икки сыл иһигэр толорбут[2]. 1985 сыл саҕаланыытыгар 1981—1985 сс. биэс сыллаах сорудаҕы 320 % толорбут (ол эбэтэр түүлээҕи 34 663 солк. туттарбыт).

ССРС Үрдүкү Сүбэтин 1985 сыл от ыйын 9 күнүнээҕи Ыйааҕынан «Усуйаана» совхоз булчутугар Семен Васильевич Гороховка Социалистыы Үлэ Дьоруойун аата иҥэриллибит[3].

1985 сылтан кэргэнин уонна 6 оҕотун кытта Хаһаачыйа нэһилиэгэр олорбут.

Олохтон 2009 сыллаахха атырдьах ыйын 14 күнүгэр туораабыт[4].

Наҕараадалара уонна ытык ааттара

  • Тыыл уонна үлэ бэтэрээнэ;
  • «Аҕа дойду Улуу сэриитин сылларыгар килбиэннээх үлэтин иһин» мэтээл;
  • «Килбиэннээх үлэ иһин» мэтээл (1957);
  • «Бочуот Бэлиэтэ» уордьан (1974);
  • Үлэ Кыһыл Знамятын уордьана (1981)[5];
  • «Саха АССР чулуу булчута» аат (1983)[6];
  • Ленин уордьана (1985);
  • Саха АССР норуотун хаһаайыстыбатын үтүөлээх үлэһитэ[5];
  • Усуйаана улууһун Ытык олохтооҕо[7].

Аатын үйэтитии

Быһаарыылар

  1. ↑ Горохов Семен Васильевич (рус.). Сигэнии күнэ: 26 Тохсунньу 2026.
  2. ↑ Горохов Семён Васильевич. www.warheroes.ru. Сигэнии күнэ: 26 Тохсунньу 2026. Архивировано 30 Ахсынньы 2019 года.
  3. ↑ Горохов Семен Васильевич. web.archive.org (25 Ахсынньы 2014). Сигэнии күнэ: 26 Тохсунньу 2026.
  4. ↑ Горохов Семен Васильевич (рус.). Сигэнии күнэ: 26 Тохсунньу 2026.
  5. ↑ 1 2 Горохов Семен Васильевич (рус.). Сигэнии күнэ: 26 Тохсунньу 2026.
  6. ↑ 1 2 Крупный алмаз назван в честь Героя Социалистического Труда Семена Горохова (рус.) (26 Тохсунньу 2026).
  7. ↑ Почетные граждане Усть – Янского улуса (рус.). Сигэнии күнэ: 26 Тохсунньу 2026.
  8. ↑ Горохов Семен Васильевич (рус.). Сигэнии күнэ: 26 Тохсунньу 2026.

Категориялар