Власов Иосиф Тимофеевич
Власов Иосиф Тимофеевич (1916 сыл кулун тутар 30 күнэ, Колбышево[d], Большереченский район[d] — 1989, Омскай) — «Якутзолото» трест «Ленинскэй» бириискэтин үлэһитэ, драга биригэдьиирэ, Социалистыы Үлэ Дьоруойа (1961). Саха АССР Үрдүкү Сэбиэтин дьокутаата.
Олоҕун олуктара
1916 сыллаахха кулун тутар 30 күнүгэр Колбышево диэн билиҥҥитэ Омскай уобаласка киирэр дэриэбинэҕэ төрөөбүт. 1930 сыллаахтан «13 лет РККА» холкуоска киирбит. 1933 сыллаахха Саха сиригэр көспүт. Бастаан Чульмаҥҥа суол тутуутугар сылдьыбыт. Онтон 1935 с. Ленинскэй бириискэҕэ хачыгаардаабыт, драгаҕа машинистаабыт.
1941—1946 сылларга Кыһыл Аармыйа кэккэтигэр сулууспалаабыт, Аҕа дойду Улуу сэриитин кыттыылааҕа. 1943 сыл ахсынньытыгар — 4-с Украинскай фронт 197-с стрелковай дивизиятын СМЕРШ контрразведка отделын ытааччыта.
1946 сыллаахха, демобилизация кэнниттэн, Саха сиригэр төннүбүт, «Ленинскэй» бириискэҕэ салгыы үлэлээбит. Биригэдьиир буолбут. 1960 сыллаахха кини биригээдэтэ Алтыс пятилетка (1956—1960) сорудахтарын толорбут. ССРС Үрдүкү Сэбиэтин Президиумун 1961 с. бэс ыйын 9 күнүнээҕи ыйааҕынан өҥнөөх металлургияны сайыннарыыга уһулуччу ситиһиилэрин иһин Ленин уордьана уонна «Серп и Молот» кыһыл көмүс мэтээл туттарыылаах Социалистыы Үлэ Дьоруойун аатын ылбыт.
Саха АССР Үрдүкү Сэбиэтин дьокутаатынан уонна ССКП XXIII сийиэһин дэлэгээтинэн талылла сылдьыбыт.
Пенсияҕа тахсыбытын кэннэ Омскайга олорбут. 1989 сыллаахха өлбүт[1][2].
Наҕараадалара уонна ытык ааттара
- «Бойобуой өҥөлөрүн иһин» мэтээл (1943);
- Кыһыл Сулус уордьана (1945);
- «Килбиэннээх үлэ иһин» мэтээл (1957);
- Социалистыы Үлэ Дьоруойа (1961);
- Ленин уордьана (1961);
- Аҕа дойду Улуу сэриитин 2-с степеннээх мэтээлэ (1985).
Өссө маны көр
Быһаарыылар
Литература
- Владимир Пестерев. История Якутии в лицах. — Якутск: «Бичик», 2001.
- Герои Социалистического Труда Якутской АССР : биобиблиогр. справ. — Якутск, 1987. — С. 42—43.