Винокуров Федор Григорьевич
Винокуров Федор Григорьевич — Даадар (1911 сыл олунньу 19 күнэ, Байаҕантай (Томпо), Саха уобалаһа — 1949 сыл бэс ыйын 12 күнэ) — саха бэйиэтэ.
Олоҕун олуктара
Федор Винокуров 1911 сыллаахха олунньу 19 күнүгэр Томпо улууһун Кириэс-Халдьаайы с. төрөөбүт.
Дьокуускайдааҕы тыа хаһаайыстыбатын техникумун бүтэрбит.
Үлэлээбит сирдэрэ
«Кыым» хаһыат эрэдээксийэтэ, эппиэттиир сэкирэтээр.
Педтехникум, преподаватель.
Педрабфак, преподаватель.
Сельхозтехникум, преподаватель.
Кэбээйи уонна Горнай улуустар оскуолалара, учуутал.
1934 сылтан ССРС суруйааччыларын Сойууһун чилиэнэ.
П. А. Ойуунускайдыын доҕордоспут уонна бииргэ үлэлээбит.
Кэбээйи уонна Горнай улуустарыгар учууталлыыр кэмнэригэр эдэр ыччаты литэрэтиирэҕэ уһуйан, литэрэтиирэ куруһуоктарын тэрийэн ыыппыт.
Сокуона суох репрессияҕа түбэспитэ. 1949 сыллаахха 38 сааһыгар күн сириттэн барбыт.
Айар үлэтэ
Литэрэтиирэҕэ айар үлэтин 30-с сылларга саҕалаабыта. Олорор кэмигэр 1935 сыллаахха биир кинигэтэ «Первые шаги» бэчээттэммитэ. Хоһоонноро «Кыhыл ыллык» сурунаалга, «Кыым», «Эдэр бассабыык», «Бэлэм буол» хаһыаттарга бэчээттэммиттэрэ.
Винокуров айымньыларыгар холкуостаахтар уонна ыччат үлэтин, дьон өйө-санаата саҥа олоххо уһуктубутун, хотугу айылҕа уонна дьахтар кэрэтин, ону кытта эрэллээх доҕордоһуу тиэмэлэрэ бааллар[1].
1981 сыллаахха биллиилээх фольклор хомуйааччыта П. Н. Попов, кини хоһооннорун уонна поэмаларын хомуйан, «Крылья мечты» диэн кинигэни бэчээттэппитэ, бэйиэт олоҕун, айар үлэтин туһунан суруйбута.
Бастыҥ хоһоонноро
- Мин ыллыам;
- Ол хонуктар суохтар;
- Кэрэтиэн хотугу сирим;
- Oҕoҥ туhугар;
- Үрүйэ;
- Тэҥ пааралар.
Быһаарыылар
Сигэлэр
- Национальная библиотека Республики Саха (Якутия):90 лет со дня рождения Ф. Г. Винокурова — Даадар
- Охлопков С. Сүөдэр Даадар: (Поэт Винокуров Федор Григорьевич. 1911—1949 сс.) // «Чолбон». — 1996. — № 2. — С. 133—134.
- Биографический интернет-справочник якутской литературы: Писатели Якутии: Федор Винокуров — Даадар