Нуучча тылынанАнал бырайыактар
Тылы уларыт
УРУБИИКИ ТУҺУНАН

Алексеев Роман Петрович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Алексеев.

Алексеев Роман Петрович — Бөҕө Арамаана (1900, Уус-Алдан улууһа, Саха уобалаһа — 1977) — олоҥхоһут, тойуксут, чабырҕахсыт.

Олоҕун олуктара

Роман Алексеев Дүпсүн улуус Тэбик нэһилиэгэр төрөөбүтэ. Ийэтэ көскө олорбут каракозовец Странден Н. П. кыыһа. Учуутала Назар Петухов (Дьаралыктаах) аатырбыт Дүпсүн олоҥхоһута этэ.

1930-с сылларга колхуостаах. 1945 сылтан промкомбинат плотнига.

Ырыалара хаһыаттарга, сурунаалларга, хомуурунньуктарга бэчээттэммиттэр. Кырдьар сааһыгар «Алаатыыр Алаа Туйгун» олоҥхону суруттарбыт. Текста ЯНЦ архыыбыгар сытар.

Репертуара

Олоҥхолор[1]:

  • «Халыан хара аттаах Хардааччы Баабыр»;
  • «Сүр дьаҕыл аттаах тустуулаах Дьура Бөҕө» — «Джура Бёгё»);
  • «Арҕаһыгар арыы мастаах анаалык улардаах, моонньугар улардаах, моонньугар боруулаах атааннаах буулуур аттаах Буура Дохсун бухатыыр»;
  • «Көҕүрүмтүө-Дьаҕылымтыа аттаах Айаҕастай-Бураҕастай Бэргэн»;
  • «Хабыр Баай эмээхсин»;
  • «Бардам сиэр аттаах Баабый Баатыр».

Айымньыта

  • Якутские народные песни. Песни о природе. — Якутск, 1976.

Быһаарыылар

  1. ↑ Энциклопедия Якутии: [в 4 томах] / Владимиров Л. Н.. — Якутск: Академия наук РС(Я), 2024. — Т. 1. — ISBN 978-5-6053278-1-3

Литэрэтиирэ

  • Березкин И. Г. Өбүгэлэрбит уонна үөллээннээхтэрбит суолларынан. — Дьокуускай, 1981.
  • Илларионов В. В. Искусство якутских олонхосутов. — Якутск, 1982.

Категориялар