Борисова Маргарита Михайловна
Борисова Маргарита Михайловна (төр. 1956 сыл олунньу 3 күнэ, Ньурба улууһа, Саха АССР) — тыйаатыр уонна киинэ артыыһа. П. А. Ойуунускай аатынан Саха академическай тыйаатырын артыыһа. Саха Өрөспүүбүлүкэтин үтүөлээх артыыһа (1995).
Олоҕун олуктара
Маргарита Борисова 1956 сыллаахха олунньу 3 күнүгэр Ньурба улууһугар Токос сэлиэнньэтигэр төрөөбүт.
1980 сыллаахха Уһук Илиннээҕи ускуустуба институтун драма уонна киинэ артыыһын идэтигэр үөрэнэн бүтэрбит.
1980—1982 сс. — Ньурба норуодунай тыйаатырын артыыһа.
1982 сылтан — П. А. Ойуунускай аатынан Саха академическай тыйаатыр артыыһа.
Айар үлэтэ
Тыйаатырга оонньуур сүрүн оруоллара
- Света («Харах уута», И. Гоголев);
- Замзагуль («Пеший Махмуд», М. Карим);
- Марианна («Бэмби», Ф. Зальтен);
- Ярхадана («Розовая чайка», Г. Дьячков);
- Люсинда («Лекарь по неволе»);
- Гиацинт («Плутни Скапена» Ж. Мольер);
- Огдуу («Ньургуһун иккистээн тылыннар» Ф. Буляков);
- Далбардаах хотун («Лоокут уонна Ньургуһун», Т. Сметанин);
- Фелиса («Деревья умирают стоя», А. Касон);
- Саһыл кутурук («Кыыс Дэбилийэ»);
- Екатерина Максимовна («Көмүөл», В. Васильев — Харысхал).
Киинэҕэ оонньообут оруоллара
- Абакаяда («Семен Дежнев», реж. Н. Гусарев, Свердловскай киностудията, 1982);
- «Приказ» (Беларусь-фильм, 1985) — Марина оруола;
- «Мааппа» (1984) — Мааппа оруола;
- «Срединный мир»;
- «Вокруг нас одни горы»;
- «Плисада» (Сахафильм, 2006) — сүрүн оруол;
- «Харчы. Иэстэбил» (2023)[1].
Наҕараадалара уонна ытык ааттара
- Саха Өрөспүүбүлүкэтин үтүөлээх артыыһа (1995);
- Дьикимдэ нэһилиэгин ытык олохтооҕо[2].
Култуураҕа
2023 сыл кулун тутар 22 күнүттэн «Утум» диэн норуодунай айар үлэ киинэ Маргарита Борисова аатын сүгэр[2].