Нуучча тылынанАнал бырайыактар
Тылы уларыт
УРУБИИКИ ТУҺУНАН

Артахинова Степанида Михайловна

Степанида Михайловна Артахинова (1989 сыл балаҕан ыйын 13 күнэ, Улахан Муҥку, Саха АССР) — Арассыыйа спортсмена, оҕунан ытыыга биирдиилээн бастыыр иһин күрэххэ 2012, 2020 сыллардаах Паралимпия оонньууларын боруонса призера.

Тирэнэллэрэ-хамнаналлара хааччахтаах спортсменнар ортолоругар ох саанан ытыыга Аан дойду биэс төгүллээх кыайыылааҕа, Европа кыайыылааҕа, Арассыыйа хас да төгүллээх кыайыылааҕа. Аан дойдутааҕы кылаастаах спорт маастара, Арассыыйа спордун үтүөлээх маастара[1].

Олоҕун олуктара

1989 сыллаахха балаҕан ыйын 13 күнүгэр Өлүөхүмэ улууһун Улахан-Муҥку нэһилиэгэр төрөөбүт. Дьокуускай куорат 21 №-дээх оскуолатын бүтэрбит.

Москватааҕы судаарыстыбыннай социальнай-гуманитарнай институту (МГСГИ) бүтэрбит.

Кырдьаҕастар уонна инбэлииттэр интернат-дьиэлэригэр юриһынан, Спорт маастарыстыбатын үрдүкү оскуолатыгар (Дьокуускай) инструкторынан үлэлээбит[2].

2017 сыллаахха М. К. Аммосов аатынан Хотугулуу-Илиҥҥи федеральнай университ физическэй култуура уонна спорт институтун магистратуратын тренер идэлээх бүтэрбит[1].

Сүүмэрдэммит хамаандалары бэлэмнэниир өрөспүүбүлүкэтээҕи спорт киинигэр эчиллэр.

2025 сыллаахха ох саанан ытыыга Саха сирин сүүмэрдэммит хамаандатын салайааччытынан анаммыт[3].

Спорт

Ох саанан ытыынан 2007 сыллаахха МГСГИ бастакы кууруһугар үөрэнэ сылдьан дьарыктанан саҕалаабыт.

2008 сыл ыам ыйыгар Кыайыы күнүгэр аналлаах бастакы күрэҕин кыайбыт. Ол сыл бэс ыйыгар дойду чемпионатын кыайбыт. Онтон ыла тирэнэллэрэ-хамнаналлара хааччахтаах спортсменнар ортолоругар ох саанан ытыыга Арассыыйа чемпионаттарыгар хаста да кыайбыт, бириистээх миэстэлэри ылбыт.

2011 сылтан Арассыыйатааҕы паралимпия сүүмэрдэммит хамаандатыгар киирэр.

Бастакы тренерэ Столяров Руслан Андреевич. Билиҥҥи тренерэ — Иксман Андрей Андреевич, Арассыыйа Федерациятын үтүөлээх тренерэ[1].

undefined

Сүрүн ситиһиилэрэ

Сайыҥҥы Паралимпия оонньуулара

  • Лондон, Великобритания, 2012 сыл — биирдиилээн киирсиигэ боруонса мэтээл;
  • Токио, Япония, 2021 сыл (2020 сыллааҕы оонньуулар 2021 сыллаахха буолан ааспыттар) — биирдиилээн киирсиигэ боруонса мэтээл[4].

Аан дойду чемпионаттара

  • Турин, 2011 — хамаанданан киирсиигэ кыһыл көмүс мэтээл;
  • Турин, 2011 — хамаанданан киирсии (микст);
  • Турин, 2011 — биирдиилээн киирсиигэ үрүҥ көмүс мэтээл;
  • Бангкок, 2013 — хамаанданан киирсиигэ кыһыл көмүс мэтээл;
  • Донауэшинген, 2015 — хамаанданан киирсиигэ кыһыл көмүс мэтээл;
  • Китай, 2017 — хамаанданан киирсиигэ кыһыл көмүс мэтээл (микст);
  • Китай, 2017 — хамаанданан киирсиигэ боруонса мэтээл;
  • Нидерланды, 2019 — хамаанданан киирсиигэ кыһыл көмүс мэтээл (микст);
  • Китай, 2019 — хамаанданан киирсиигэ боруонса мэтээл[4].

Европа чемпионаттара

  • 2010 — хамаанданан киирсиигэ кыһыл көмүс мэтээл;
  • Ноттвиль, 2014 — хамаанданан киирсиигэ үрүҥ көмүс мэтээл;
  • Ноттвиль, 2014 — хамаанданан киирсиигэ үрүҥ көмүс мэтээл (микст);
  • Франция, 2016 — хамаанданан киирсиигэ үрүҥ көмүс мэтээл;
  • Франция, 2016 — биирдиилээн киирсиигэ боруонса мэтээл;
  • Чехия, 2017 — хамаанданан киирсиигэ кыһыл көмүс мэтээл (микст);
  • Чехия, 2017 — биирдиилээн киирсиигэ үрүҥ көмүс мэтээл;
  • Чехия, 2017 — хамаанданан киирсиигэ боруонса мэтээл;
  • Италия, 2018 — хамаанданан киирсиигэ кыһыл көмүс мэтээл;
  • Италия, 2018 — хамаанданан киирсиигэ үрүҥ көмүс мэтээл (микст);
  • Италия, 2018 — биирдиилээн киирсиигэ үрүҥ көмүс мэтээл;
  • Чехия, 2018 — хамаанданан киирсиигэ кыһыл көмүс мэтээл (микст);
  • Чехия, 2018 — биирдиилээн киирсиигэ үрүҥ көмүс мэтээл;
  • Чехия, 2018 — хамаанданан киирсиигэ боруонса мэтээл;
  • Италия, 2019 — хамаанданан киирсиигэ кыһыл көмүс мэтээл;
  • Италия, 2019 — хамаанданан киирсиигэ кыһыл көмүс мэтээл (микст);
  • Италия, 2019 — биирдиилээн киирсиигэ кыһыл көмүс мэтээл;
  • Чехия, 2019 — хамаанданан киирсиигэ кыһыл көмүс мэтээл;
  • Чехия, 2019 — хамаанданан киирсиигэ кыһыл көмүс мэтээл (микст);
  • Чехия, 2019 — биирдиилээн киирсиигэ кыһыл көмүс мэтээл;
  • Германия, 2019 — биирдиилээн киирсиигэ кыһыл көмүс мэтээл;
  • Германия, 2019 — хамаанданан киирсиигэ кыһыл көмүс мэтээл (микст)[4].

Наҕараадалара уонна ытык ааттара

  • «Аҕа дойду иннигэр үтүөлэрин иһин» иккис истиэпэннээх уордьан (2012)[1];
  • «Хотугу Сулус» уордьан (2012)[5];
  • Арассыыйа спордун үтүөлээх маастара (2012)[6].

Быһаарыылар

  1. ↑ 1 2 3 4 Степанида Артахинова | Команда Паралимпийского комитета России (рус.). tokyo2020.paralymp.ru. Сигэнии күнэ: 12 Муус устар 2026.
  2. ↑ Якутская спортсменка получит высокую награду. Сигэнии күнэ: 12 Муус устар 2026.
  3. ↑ Степанида Артахинова — новый руководитель сборной Якутии по стрельбе из лука, Улус Медиа (12 Муус устар 2026). Сигэнии күнэ: 28 Олунньу 2026.
  4. ↑ 1 2 3 Степанида Артахинова | Стрельба из лука (ПОДА) | ПКР | Паралимпийский комитет России (рус.). paralymp.ru. Сигэнии күнэ: 12 Муус устар 2026.
  5. ↑ Кавалеры Ордена Республики Саха (Якутия) «Полярная звезда» — список награждённых. Сигэнии күнэ: 28 Олунньу 2026.
  6. ↑ Артахинова Степанида Михайловна - Заслуженный мастер спорта России :: Статистика и аналитика развития спорта в России (англ.). www.msrfinfo.ru. Сигэнии күнэ: 12 Муус устар 2026.

Категориялар