Антонов Николай Климович
Антонов Николай Климович (1919 сыл ахсынньы 27 күнэ, Ньурба улууһа — 2002 сыл тохсунньу 4 күнэ, Саха сирэ) — филология билимин дуоктара, биллиилээх тюрколог, профессор, норуоттар ыккардыларынааҕы Академия академика, Саха АССР билимин үтүөлээх үлэһитэ. Аҕа дойду Улуу сэриитин кыттыылааҕа.
Олоҕун олуктара
Николай Антонов 1919 сыллаахха ахсынньы 27 күнүгэр Саха уобалаһын Ньурба улууһугар Антоновка нэһилиэккэ төрөөбүтэ.
1939 сыллаахха Дьокуускайдааҕы педагогическай институтка туттарсан, үөрэҕин саҕалыыр.
1942 сыл кулун тутар 6 күнүгэр Кыһыл Аармыйаҕа ыҥырыллыбыта. 1942—1946 сс. — Аҕа дойду Улуу сэриитин кэмигэр Забайкальскай байыаннай уокурукка фельдшердыыр. Жэхэ куорат ылыытыгар кыттыспытын иһин Үрдүкү Главнокомандующай махталынан бэлиэтэммитэ.
1947 с. — Дьокуускайдааҕы педагогическай институт тылга уонна литератураҕа факультетын бүтэрбитэ.
1947—1948 сс. — НИИ ЯЛИ младшай научнай үлэһитэ.
1948—1951 сс. — ССРС НА СС Саха филиалын аспирана.
1953 с. — филологическай билим кандидатыгар «Именное словообразование в Якутском языке» тиэмэҕэ суруйбут диссертациятын ситиһиилээхтик көмүскүүр.
1962—1963 сс. — Саха судаарыстыбаннай университет историко-филологическай факультетын саха тылыгар уонна литературатыгар кафедратын сэбиэдиссэйэ, доцент, профессор.
1964 с. — Саха судаарыстыбаннай университетын доцена.
1973 с. — филологическай билим докторыгар «Исследования по исторической лексике якутского языка» тиэмэҕэ диссертациятын ситиһиилээхтик көмүскүүр.
1974 сыллаахха филология билимин дуоктара буолар.
1976 с. — Саха государственнай университетын профессора.
2002 сыллаахха тохсунньу 4 күнүгэр олохтон туораабыта.
Үлэтэ
Н. К. Антонов — биллиилээх тюрколог, саха тылын историческай лексикатыгар специалист. 200-тэн тахса бэчээттэммит уонна илиинэн суруллубут үлэлэр, ол иһигэр үөрэх босуобуйаларын уонна 12 монография ааптара.
- «Лексика современного якутского языка». Учебное пособие. (Якутск, 1967).
- «Саха билиІІи тылын лексиката» (Якутск, 1976).
- Учебное пособие «Былыргы тюрк тыла: VI—VIII үйэлэр». Древнетюркский язык VI—VIII вв. (Дьокуускай, 1970).
- «Материалы по исторической лексике якутского языка» (Якутск, 1971), монография.
Наҕараадалара
- Аҕа дойду Улуу сэриитин II истиэпэннээх уордьана;
- «Дьоппуону кыайбытын иһин» мэтээл;
- Саха Өрөспүүбүлүкэтин билимин үтүөлээх диэйэтэлэ[1];
- Саха АССР Үрдүкү Сэбиэтин Бочуотунай грамотата (1962);
- РСФСР Үрдүк үөрэхтээһинин министиэристибэтин грамоталара;
- Саха Өрөспүүбүлүкэтин Үөрэҕириитин министиэристибэтин грамоталара[2].
Аатын үйэтитии
- Дьокуускай куоракка Ленин бэрэспиэгин 44-с №-дээх дьиэтин эркинигэр өйдөбүнньүк дуоска туруоруллубут[2].