Андреев Николай Михайлович
Николай Михайлович Андреев — Түгүнүүрэп (1905 сыл ыам ыйын 29 күнэ, Бастакы Бордоҥ нэһилиэгэ, Саха уобалаһа — 1928 сыл атырдьах ыйын 6 күнэ) — саха прозаига.
Олоҕун олуктара
1905 сыллаахха Сунтаар улууһун Бастакы Бордоҥ нэһилиэгэр (билигин Элгээйи нэһилиэгэ) төрөөбүтэ.
1926 сыллаахха Элгээйи сэттэ кылаастаах оскуолатын бүтэрбитэ. Ол сыл Дьокуускайдааҕы педагогика техникумугар үөрэнэ киирбитэ, айымньыларын «Кыым» хаһыакка уонна «Чолбон» сурунаалга бэчээттээн саҕалаабыта.
1928 сыллаахха «Кэпсээннэр» диэн хомуурунньуга тахсыбыта. Ол сыл атырдьах ыйын 6 күнүгэр соһумардык тимирэн өлбүтэ.
1960 сыллаахха биир томнаах талыллыбыт айымньыларын хомуурунньуга тахсыбыта. Бу хомуурунньукка суруйааччы кэпсээннэрэ, ситэритэ суох сэһэнэ, хоһоонноро уонна «Перестройка жизни» пьесата киирбиттэрэ.
1975 сыллаахха Георгий Кардашевскай талыллыбыт айымньылар хомуурунньугун иккистээн таһаарбыта[1].
Библиографията
- Кэпсээннэр / Н. Түгүнүүрэп. — Якутскай: САССР гос. изд-вота, 1928. — 75 с. ил. — Лат. графика.
- Талыллыбыт айымньылар / Н. Түгүнүүрэп; хомуйан оҥордо Г. Р. Кардашевскай. — Дьокуускай: Кинигэ изд-вота, 1960. — 164 с.
- Кэпсээннэр, сэһэн, пьесалар, хоһооннор / Н. Түгүнүүрэп. — Дьокуускай: Кинигэ изд-вота, 1985. — 151 с.
Аатын үйэтитии
- 1958 сыллаахха Сунтаар улууһун Элгээйитигэр Николай Андреевка пааматынньык туруоруллубута[2].